兩個人醫吓肚,  和你Taste,  小食甜品

渡船角小食x糖水街坊店破壟斷 特設跨區自家步兵外賣服務!

瀏覽次數: 6
個人瀏覽過





渡船角係較少本地人會流連嘅小區域之一,但事實上位置靠近圓方商場,離佐敦、油麻地不遠,近月一間餅店靠法式布丁令該區成為人氣之選,而區內其實重有其他小店,其中一間招牌滲透黃光嘅小店就值得拍拖兩個人甜蜜發掘吓,最特別之處係小店有自家步兵外賣服務,可以跨區叫外賣!

當中,有一間以糖水為主嘅小店,表面似乎只賣糖水,實際上兼賣創意小食,據悉小店由佐敦賣到渡船角,年輕人為上一代爭返一口氣再創立糖水舖,年資有逾30年。餐牌上嘅小食、糖水價錢可圈可點,每樣嘢平均廿零三十蚊,尚算街坊價錢,當鴨腎菜乾豬骨粥$25、狗仔粉、芋圓紫米露、XO醬燒賣或蘿蔔糕等都係街坊必食之選,充滿童年回憶。

小食當中最令人摸不著頭腦嘅係亂咁嚟燒賣$27,齋睇名稱完全唔知係咩燒賣,帶幾分神秘感,又帶幾分騎呢,幾有噱頭,好奇心重嘅編輯當然要試一試。原來呢款新穎嘅燒賣曾經於燒賣關注組盛極一時,好壞參半,有別於平常燒賣配上豉油、辣椒油,其實只係將燒賣與各款配料混合,包含XO醬、火腿、椰菜、菠蘿等,組合奇怪,難怪會受到爭議。不過,燒賣切成半粒又半粒,但入口煙韌,XO醬同燒賣好配合,菠蘿酸甜味亦有新鮮感,中和燒賣鹹香味,只係唔係人人都接受配搭菠蘿。

至於蒜香麻辣雞翼尖$28 就辛辣味較重,相對元朗B仔雞翼尖的確遜色,辛辣味過重,調味方面略有不足,入口只有辣味,欠缺麻香味,蒜味更被辛辣味蓋過,滷水雞翼尖應該會比較好,不過亦適合佐酒。糖水雄狗仔粉$27 可配搭辣或唔辣嘅菜圃,質感爽脆,令狗仔粉更有層次,狗仔粉爽滑彈牙,配搭蝦米、冬菇、雞絲等玩料,味道香濃,略帶鮮甜味,湯底就比較稠身。

中式糖水帶有懷舊感,但做得好嘅新式糖水店比較少,當中小店中嘅白果腐竹糖水$28 就算係招牌作,白果即銀杏,可幫助清胃化痰,補氣養心益腎,滋陰美白,糖水有軟滑口感,並非水汪汪,雖然白果、腐竹配料少,但味道唔錯,香滑而唔甜膩。而偏西式糖水嘅芒果紫米露$32,亦質素不俗,內含大量芋頭、芒果,料足,加上紫米露,甜度適中,煙韌度亦夠,芒果亦有香甜味,果然甜品係比較穩定同有水準。




E.A.Tips﹕

(1) 巴士路線 287X, 970, 970X, 973皆可到達渡船角。

(2) 店內有自家步兵外賣,有跨區服務,總算擺脫大型外賣平台嘅壟斷。

(3)

(4)


糖水雄

佐敦渡船角文匯街30號文景樓地舖
營業時間
2771 4628

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


樓上咖啡店自選高水準五品料理!旺角西洋菜南街神秘角落點只賣咖啡綠茶
【野餐隨行】大埔商場便攜素食便當/一口雲吞蝦籽麵 元洲仔全海景公園Chill住歎咖啡
上水Homy Cafe 9月尾結業 咖哩雞扒香口惹味 上水千萬公廁旁小公園野餐
【野餐隨行】上水罨耷微舖小食醬汁乃精華所在 市中心野餐地有枱有櫈兼參觀豪華公廁?
太安樓起家!筲箕灣東大街人氣雪糕班戟 暖笠笠法式甜品配涼浸浸雪糕球 歎埋消暑雪頂茶飲啖啖舔舔脷
近大潭水塘!陽明山莊僅存殖民時代皇冠電話亭 紅噹噹包廂懷舊味濃
【野餐隨行】油麻地一級歷史建築鬧市空中花園野餐 神秘台式廚師發辦$100有找!
【野餐隨行】石硤尾池畔叢林小餐廳歎日式超靚便當 街角文具店兼賣醉雞麻醬蕎麥麵
大角嘴迷你威尼斯西餐廳Risotto出色 中西合璧加臘味賣Fusion?
【野餐隨行】小西灣角落港式下午茶 鬆軟夾餅拼金黃雞蛋仔粒粒飽滿
大角嘴海南雞專門店外賣孖寶套餐人均$79 除咗雞飯重有乜?
【邊境一日遊】尖鼻咀濕地5分鐘登龜山眺后海灣 沙橋村蠔殼田絕美夕陽餘暉
大隱隱於市!尖沙嘴鬧市藏維多利亞時代百年歷史建築物 遊走法定古蹟探視紅磚遊廊金字瓦頂
【野餐隨行】長洲歎人氣沙嗲牛米通 堤邊樹蔭全海景野餐 甜品有炸芒果糯米糍!
採環保餐盒+餐具!土瓜灣舊區鐵路便當地道台式口味 3款配菜期期轉換主食足料
【野餐隨行】元朗11款人氣名物瀑布蛋治有咩特別?大棠燒烤場變草地野餐場