麵屋.隱
兩個人醫吓肚,  和你Taste,  日本菜

元朗「隠」身店曾被誤當賣意粉? 4款九州風格拉麵大受街坊歡迎

瀏覽次數: 60
個人瀏覽過





元朗明渠位處區內市中心,連接市區至郊區,包含朗屏、大馬路、橫洲附近工業邨,南生圍流到大棠方向,深而闊,用作排走雨水,如果你係元朗國國民,一定知道位置喺邊個位,而明渠附近有一間日本九州風格拉麵小店,正常價格,網上有網民曾經誤以為呢間麵店係食「意粉」,今次編輯終於有時間帶大家去確認吓,等大家可以放心拍拖兩個人去試一試。

對比附近嘅店舖御麵、旮旯等,招牌寫有「 隠 」字嘅「麺屋·隠」確實有如穿上隱身服,藏於元朗裕榮徑內,店面沉實,有日本風格,拉開木門步入店內,地方狹長,廚房佔三入一,座位佔三份二,一邊係普通四人座位,另一邊則為高枱櫈,都係正常日式拉麵店裝潢。

小店拉麵有4款口味,包括白隠$72、黑隠$88、赤隠$88、限定隠, 白隠為豚骨濃湯,黑隠為黑蒜油豚骨湯,赤隠為辣肉球豚骨湯,當日限定隠則為鰹魚豚骨湯$95,每碗都會付上兩塊叉燒、蔥、蒜、荀、木耳絲作配料,可自由添加份量。當中最可以測試嘅係基本口味,即白隠,今次挑選白隠、黑隠,湯底皆為正常濃度,白隠湯感唔油膩,以豬骨熬製濃湯,無添加下豚骨味較明顯,湯感較稠身;至於黑隠亦有豚骨湯味,色澤偏啡黑,雖然賣點為黑蒜油,但湯感較淡身,黑蒜油味唔重,油膩度較重,不過有炒香過嘅黑蒜味,鹹度適中,選濃湯可能較好。

湯感濃稠度唔夠掛湯,麵條偏幼身,質感爽滑,比較似九州風格,麵底份量較一般拉麵少。而配料當中最突出嘅反而係木耳絲、荀條,份量比蔥、蒜多,有鮮味,荀條大多有咬口,只係部份偏硬同有渣。叉燒好軟腍,肥瘦均勻,肉質介乎脂肪至瘦肉之間徘徊,不過叉燒偏薄,一夾就散開。而味付玉子沉於拉麵之下,差啲搵唔到,並非置於拉麵之上,還好係入口仍然生熟度剛好,為嫩滑溏心狀,亦有蛋香,唔會被熱湯浸得太熟。

拉麵店並非只有拉麵,甚至可如日本人般按喜好添加白飯,另有雞扒飯、燒豬軟骨飯、蒲燒鰻魚飯可擇,較受歡迎嘅小食為雞軟骨餃子、日式芝麻雞翼、紫芋丸,另有蒲燒鰻魚串、炭燒雞肉串、燒八爪魚丸等。


E.A.Tips﹕

(1) 於元朗教育路轉入裕榮徑,前行1至2分鐘就會見到,記得係大棠方向嘅裕榮徑。

(2) 留意店內只收Cash,要帶足夠現金。


(3) 環保點餐紙係循環再用,可見每張都有鉛筆跡,記得唔好亂用原子筆畫,寫完點餐紙保險啲都要消毒雙手。

(4) 每碗拉麵可以加添其他配料、飲品,但都要加錢。


(5) 人均最低消費係一碗拉麵,每人剔一張就得。


(6) 限定隠口味會不定期更換,亦係唯一會附上一隻味付玉子,其餘都係無味付玉子,一般要加$8至$12。


(7) 如果習慣相機食先嘅朋友,麵度最好挑選偏硬,因為熱湯係為將麵條浸軟。


(8) 枱面有芝麻、七味粉,可以自由添加。


麺屋·隠

元朗裕榮徑11號好旺洋樓地下5號舖
12:00 – 16:15、18:00 – 22:00
6106 5088

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


鄰近車公廟!沙田大圍廢校轉化綠色空間 環保博物館將藝術融入生活
全港3間分店!復古裝潢還原屋邨走廊賣懷舊點心 老馮茶居不如用一款點心單飛?
藜麥紅白米飯配滋補燉湯 大角嘴$48健康港式便當
荃灣清靜秘密花園 大會堂劇院咖啡店歎下午茶
大角嘴街坊刺身壽司專門店 丼飯全日供應最平$40
元朗錦田路邊大排檔毗連公園街市 超高水準街坊醉雞麵/海南雞飯回頭率高
荃灣人氣新式大排檔旗艦店 與時並進改良舊餸菜吸斯文客人?
石崗軍營賞楓!雷公田起步遊200年歷史甲龍古道 直搗川龍家樂徑眺青馬/昂船洲大橋【秋季紅葉2021】
大角嘴高水準台式手工芋圓店月底將結業 滿$100送2件芒果糯米糍
【年糕巡禮2022】新年最黃賀年糕點完整名單!近50間港九新界實體店連網店年糕蘿蔔糕即刻預訂!
野餐隨行【大嶼山及離島篇】有View有草地!全港100個近鬧市近食肆安心野餐點 梗有一個喺左近!
野餐隨行【港島篇】有View有草地!全港100個近鬧市近食肆安心野餐點 梗有一個喺左近!
野餐隨行【新界篇】有View有草地!全港100個近鬧市近食肆安心野餐點 梗有一個喺左近!
野餐隨行【九龍篇】有View有草地!全港100個近鬧市近食肆安心野餐點 梗有一個喺左近!
荔枝角程班長台灣美食宣佈即將結業 台灣味牛肉麵營業至3月!
露營地全禁?赤徑藏荒廢小教堂!西貢東100%瀝青路穿越鹹田灣+西灣沙灘