3低本地遊,  兩個人旅吓行,  和你Taste

【3低本地遊】石硤尾舊區寫意遊 迷你社區處處寶藏

瀏覽次數: 46
個人瀏覽過





石硤尾曾一度成為熱門地點,皆因石硤尾山內隱藏一座主教山,內裏極罕見嘅百年羅馬式歷史建築曝光,一度引起拆卸同保育問題。不過,目前該地係建築地盤,一般人禁止進入,所以遊覽石硤尾區嘅話,只能退而求其次行吓其他地方啦。石硤尾係一個舊區,表面平平無奇,其實處處皆寶藏,兩個人有心一樣可以發掘到靚景點。

石硤尾位處九龍西面,以住宅區為主,尤其係公共屋邨,地理上靠近窩仔山、嘉頓山,有指石硤尾原名叫夾石尾或甲石尾。40年代國共內戰時,唔少人退難香港,於石硤尾一帶建造木屋,後來因石硤尾大火事件令50000人流離失所,最終港府興建石硤尾徙置區安置居民,後來更有公屋發展。

第一站﹕石硤尾配水庫遊樂場

石硤尾較高點位置可見一個大型公園,原為棒球或壘球練習熱門場地,實際上係配水庫遊樂場,靠近石硤尾公園,內有超大面積草地、緩跑徑,係區內一處休閒好地方。

南山邨遊樂場係唔少人打卡嘅地方,而附近嘅石硤尾公園佔地更近八公頃,分為兩個公園,人流唔多,足球場、游泳池更以粉色為主調,粉藍、粉紅、粉綠,用色夢幻,粉色欄杆、圍牆更吸引唔少少女去打卡。沿南昌街或歌和老街走,向澤安邨方向前行,可以去到石硤尾配水庫遊樂場,內有超大草地,更有緩跑徑圍繞,緩跑徑長將600米,比一般運動場更長!既有小型足球場、籃球場,中央草地更不時用作棒球或壘球運動用途,有機會可睇全壘打,大草地既係小朋友放電位,亦係情侶散步處,位置座落深水埗龍翔道、南昌街交界,靠近筆架山山腳。大草地地理位置優越,地方空曠,少見高樓大廈遮擋,草地上可望大片藍天白雲,光線充足,本來都可算係城市中嘅綠洲。不過,大草地現時逐漸退化,部份更變成沙漠狀態,部份青蔥草地變成荒蕪沙地。

延伸閱讀﹕石硤尾後山藏超大草地 屋邨神秘紅磚牆打卡

第二站﹕南昌街休憩花園

位處石硤尾配水庫遊樂場不遠處,係公共屋邨,不過屋邨內亦有特別之處,包括一面有古典味嘅紅磚牆,可以兩個人打吓卡。事實上,該位置原為商住寮屋區,曾經歷石硤尾六村大火,亦經歷過上居下舖階段。

延伸閱讀﹕石硤尾後山藏超大草地 屋邨神秘紅磚牆打卡

第三站﹕石硤尾公園

石硤尾公園係區內一個休憩公園,足球場看台更以粉色為主調,粉藍、粉紅、粉綠相當搶眼,而公園游泳池旁邊亦可見粉紅橋,有幾分IG-able感覺,環境清靜,似足世外桃源。

延伸閱讀﹕ 石硤尾公園廢棄水池藏韓國粉色少女打卡牆 南昌街現星洲娘惹式格仔彩虹屋

第四站﹕木蘭館

石硤尾白田購物中心角落之處有一間微舖,以日式便當為主,唔少日式飯盒$50有找,鰻魚飯、牛肉飯都幾有水準,尤其係鰻魚飯,分別有普通版、厚身版、特厚版,份量十足,每款都算係街坊價錢。

延伸閱讀﹕石硤尾微舖人流絡繹不絕 木蘭館$49賣大碗鰻魚飯

第五站﹕賽馬會創意藝術中心Jockey Club Creative Arts Centre

不遠處可見賽馬會創意藝術中心,前身為石硤尾工廠大廈,位處白田街30號,最特別之處係藝術中心內隱藏多間良心小店,逐層去尋寶,會發現有好多藝術工作者呢!

第六站﹕南昌街南昌220组合屋石硤尾彩色屋

由石硤尾公園徒步至深水埗,於南昌街可見一幢彩色小屋,每個窗口大小一致,髹上不規則紅、黃、綠、灰色,彩色格仔外牆份外搶眼,尤如新加坡娘惹彩虹屋。

延伸閱讀﹕ 石硤尾公園廢棄水池藏韓國粉色少女打卡牆 南昌街現星洲娘惹式格仔彩虹屋

第七站﹕上嘉頓山睇日落

賽馬會創意藝術中心離嘉頓山山腳只係5mins腳程,步行5至10mins即可到達90米高嘅嘉頓山山頂,於深水埗至石硤尾之間觀賞日落晚霞,市景、樓景交替,山下舊式唐樓、公共屋邨充滿本土特色,無論日光定夜景都好有風味。

延伸閱讀﹕全港最易行嘅山 深水埗嘉頓山連睇日落兼夜景

第八站﹕膳心小館

從嘉頓山落山,可於山腳膳心小館買個飯盒,主打兩餸飯、三餸飯,價錢絕對係街坊價。小店為社企餐廳,由牛頭角開到石硤尾,堅持售賣平價兩餸飯、三餸飯,每日有6至7款餸菜選擇,的確係平價飯之選。

延伸閱讀﹕社企餐廳兩餸飯$38 膳心小館搬到石硤尾



Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


鄰近車公廟!沙田大圍廢校轉化綠色空間 環保博物館將藝術融入生活
全港3間分店!復古裝潢還原屋邨走廊賣懷舊點心 老馮茶居不如用一款點心單飛?
藜麥紅白米飯配滋補燉湯 大角嘴$48健康港式便當
荃灣清靜秘密花園 大會堂劇院咖啡店歎下午茶
大角嘴街坊刺身壽司專門店 丼飯全日供應最平$40
元朗錦田路邊大排檔毗連公園街市 超高水準街坊醉雞麵/海南雞飯回頭率高
荃灣人氣新式大排檔旗艦店 與時並進改良舊餸菜吸斯文客人?
石崗軍營賞楓!雷公田起步遊200年歷史甲龍古道 直搗川龍家樂徑眺青馬/昂船洲大橋【秋季紅葉2021】
大角嘴高水準台式手工芋圓店月底將結業 滿$100送2件芒果糯米糍
【年糕巡禮2022】新年最黃賀年糕點完整名單!近50間港九新界實體店連網店年糕蘿蔔糕即刻預訂!
野餐隨行【大嶼山及離島篇】有View有草地!全港100個近鬧市近食肆安心野餐點 梗有一個喺左近!
野餐隨行【港島篇】有View有草地!全港100個近鬧市近食肆安心野餐點 梗有一個喺左近!
野餐隨行【新界篇】有View有草地!全港100個近鬧市近食肆安心野餐點 梗有一個喺左近!
野餐隨行【九龍篇】有View有草地!全港100個近鬧市近食肆安心野餐點 梗有一個喺左近!
荔枝角程班長台灣美食宣佈即將結業 台灣味牛肉麵營業至3月!
露營地全禁?赤徑藏荒廢小教堂!西貢東100%瀝青路穿越鹹田灣+西灣沙灘