3低本地遊,  兩個人旅吓行,  和你Taste

【3低本地遊】食完幻彩西多歎氮氣咖啡 九龍灣先上山後野餐

瀏覽次數:139
個人瀏覽過





九龍灣名副其實係九龍半島一個海灣,位置原屬維港一帶,九龍灣陸地係由填海而成,大多為工商廈,少量為住宅。九龍灣既有唔少有質素嘅食肆,亦有行山點、野餐點,絕對係一個可以兩個人拍拖Relax同放鬆身心嘅小區。

九龍灣喺宋朝時曾經係一片鹽田,直到清朝被逼遷,鹽場先被廢棄。九龍灣一帶係經填海形成,由1910年代至今填海計劃一直進行中,填海用途有建設舊啟德機場、機場跑道、工業區、海底隧道等。港鐵車廠亦設於九龍灣,唔少香港政府機關都喺九龍灣設置總部,包括機電工程署總部大樓、香港輔助警察隊總部,甚至郵政署中央郵件中心。九龍灣大型出名嘅商場有Megabox、九龍灣國際展貿中心,而商業大廈如企業廣場三期、億京中心、Manhattan Place、國際交易中心、傲騰廣場等都設於九龍灣,商貿發展愈來愈多。

第一站﹕大渣哥茶記

去得九龍灣,當然要食渣哥系列,無論係渣哥一九九六定大渣哥茶記,都係前港姐冠軍譚小環姐姐有份開,長期都係一間排隊店。室內將懷舊同現代風格融合,同時帶出香港味道,餐牌中嘅食物都係港式叫法,相當有創意。香滑奶茶係招牌之一,的確奶香茶濃,而自由西餐可任意配搭,質素亦有水準。至於幻彩詠西多就係好吸睛嘅港式小食,將平時嘅法蘭西多士改良,除咗放上牛油同餡料有花生醬,特別放上彩虹朱古力碎,而糖漿亦改為果醬,厚度十足,彩虹色極吸睛,層次豐富。

延伸閱讀﹕直擊大渣哥茶記做足抗疫措施 限聚令下極守規仍被重複查驗?

第二站﹕CoCo Espresso

位處大渣茶記附近嘅CoCo Espresso,今年分店進駐九龍灣,不單有精品咖啡,更有最新潮嘅氮氣咖啡,主打係Takeaway Coffee,周末閒遊之前可以歎埋杯靚啡先出發。Hand Drip有2種咖啡豆可供選擇,Nitro Coffee即氮氣咖啡或Nitro Cold Brew,可揀fruity或nutty口味,而一杯氮氣咖啡大概只係有5卡路里,減肥中嘅朋友都唔需要擔心會致肥。

延伸閱讀﹕CoCo Espresso登陸九龍灣 罕見氮氣咖啡綿密有餘韻

第三站﹕沈雲山

由九龍灣作出發點,可以行吓沈雲山。沈雲山係香港其中一座極速上山頂嘅小山丘,可從九龍灣或順利出發,係觀塘人嘅後花園。由九龍灣出發,可以喺彩霞道直入佐敦谷遊樂場方向,旁邊會見到水塘水壩,直上山路就係沈雲山。不過,從九龍灣上山需要行山路,需要特別小心。上山後,會見到石屎路,前面有一個前身為防空洞嘅崛頭路,充滿頹廢風,可以打卡。繼續向前行,會行到觀塘上配水庫遊樂場方向,俯視會望到佐敦谷公園大草地,甚至獅子山側面,黃昏時間仲可以喺遊樂場高點睇日落,環境優美。離開時,唔需要走回頭路,繼續前行可以向順利方向落返山,基本只係沿馬路直落。

延伸閱讀﹕輕鬆上山抖抖氣 「觀塘後花園」沈雲山必影神秘打卡位

第四站﹕佐敦谷公園

由沈雲山直落可以去到順利邨方向,而佐敦谷公園亦正正可以由順利進入,行完山可以去公園野餐,公園出名有一片超大草坪,唔少人都會拎帳幕去野餐。去公園坐吓、Relax吓的確幾Chill,既可野餐,又可曬太陽、睇書、做Yoga,同時可以拍拖散步、俾小朋友放電,帶啲Broadgame去玩吓都夠過癮啦!

延伸閱讀﹕大片草地 野餐之選 佐敦谷公園最啱小朋友放電

第四站﹕釜之魂釜飯專門店

離佐敦谷公園入口不遠處,可見一間日式釜飯專門店,位於商場地下,招牌非常明顯,靠近公園之集,亦近大路,地理位置優越,內有唔同口味釜飯,包括7款釜飯、2款烏冬、7款小食,最受歡迎要數金魂、銀魂,即蒲燒鰻魚飯、白燒鰻魚飯,只係一間平食釜飯店。

延伸閱讀﹕九龍灣日式釜飯專門店最平$38 人氣鰻魚釜飯真係有高水準?





Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


免加2蚊!太子親民居食屋靠近雷生春 日式料理丼飯套餐外賣抵過堂食
流浮山海鮮街酒家林立藏殖民時代皇冠郵筒 海味場旁眺后海灣日落觀60年歷史神秘建築物
【野餐隨行】九龍城人氣泰國菜皮蛋炸蝦餅x潮州粉麵上等牛坑腩 賈炳達道公園野餐大玩Crossover
西貢外賣限定英式炸魚薯條專門店 最高人氣係邊款小食?
經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象