3低本地遊,  兩個人旅吓行,  和你Taste

【3低本地遊】黃綠郊遊遊!將軍澳藏全黃美食商場 寶林睇小夏威夷瀑布透心涼

瀏覽次數:128
個人瀏覽過





將軍澳區本身係一個海灣,區內原為小漁港,後以移山填海成為新市鎮,南面係調景嶺、東南係清水灣半島、西南係鯉魚門,一山之隔為九龍區。兩個人先於將軍澳飽餐一頓,再入寶林散吓步,寶林有唔少路段輕鬆嘅山路,適合拍拖閒遊,其後折返將軍澳去一個全黃美食商場,正好為將軍澳一日遊作結。

第一站﹕蜜蜜見

入寶林之前,先喺將軍澳市中心醫吓肚,將軍澳天晉有一間隱藏喺花店旁邊嘅Cafe,由一班後生仔打理,室內面積唔大,非常迷你,但質素唔差,Carbonara醬汁好Creamy,Bacon脆卜卜。而花草茶亦好啱解膩,好fresh,甜品推介有薑味梳乎厘Ginger Souffle,比原味Souffle唔同嘅係加咗薑,一勺到底會輕易見到薑絲,真材實料。Souffle質感輕軟,有蓬鬆感,焗得句好,蛋白、奶黃混合得宜,焗完脹到好高,入口鬆軟,食完超滿足。

延伸閱讀﹕將軍澳隱世良心店 薑味梳乎厘超出色

第二站﹕鴨仔山

將軍澳屬全港第7個新市鎮,第一期發展就係寶林。寶林同寶琳相通,係最先開發嘅將軍澳新市鎮,以寶林命名係源於寶林邨,但初期亦有指因寶琳路而將區內稱為寶琳,港鐵通車後車站亦叫寶琳站,但寶林反而較多人使用。寶林靠近將軍澳末端,屬將軍澳新市鎮,原為海灣,將軍澳區原本人流稀少,只係一個小漁港,後來發展成住宅區。

去到寶林,可以行吓有港版少女峰之稱嘅鴨仔山,屬區內晨運之選,拍拖漫步都可以30mins內即上山頂,沿途都係石屎路、水泥路,相當輕鬆。景觀唔算太特別,但都算開揚,山頂可望銀線灣、清水灣,遠眺牛尾洲,近望香港科技大學、邵氏片場。

延伸閱讀﹕晨運路線 直上鴨仔山山頂

第三站﹕小夏威夷徑

輕鬆行完鴨仔山,可以行埋同樣位處寶林嘅小夏威夷徑,而小夏威夷徑係一個著名行山點,有一個小夏威夷小瀑布,既可抖涼,亦可打卡影相。沿路都係石屎路,藍天白雲映襯青翠樹景、林蔭樹徑,再望小瀑布,都幾透心涼。而小夏威夷徑其實本來係小夏威夷游泳場,純粹係一條被鑿爛嘅堤壩。兩個人可以從井欄樹作起點,亦可以從寶林作起點。

延伸閱讀﹕將軍澳小夏威夷徑 小橋流水一星遊

第三站﹕日日見美食廣場food court – The Parkside

將軍澳內有一個全黃美食商場,叫「日日食美食廣場」,被譽為「全黃Food Court」,同場有 「日日·食良」街市,現時匯集7間有水準嘅小店,間間價錢相宜,包括中式點心店蒸心、港式粉麵五一牛腩、茶飲店奶茶聯盟、西式美食Upper Room、石燒牛扒店柴石燒、港式燒味出爐、港式美食珠記冰室。

延伸閱讀﹕實試將軍澳日日食3間小店 全港唯一全黃Food Court (上)

延伸閱讀﹕將軍澳全黃美食廣場4間小店中西任你揀 斧頭炸髀似咖哩炒蟹? (下)





Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


太安樓起家!筲箕灣東大街人氣雪糕班戟 暖笠笠法式甜品配涼浸浸雪糕球 歎埋消暑雪頂茶飲啖啖舔舔脷
近大潭水塘!陽明山莊僅存殖民時代皇冠電話亭 紅噹噹包廂懷舊味濃
【野餐隨行】油麻地一級歷史建築鬧市空中花園野餐 神秘台式廚師發辦$100有找!
【野餐隨行】石硤尾池畔叢林小餐廳歎日式超靚便當 街角文具店兼賣醉雞麻醬蕎麥麵
大角嘴迷你威尼斯西餐廳Risotto出色 中西合璧加臘味賣Fusion?
【野餐隨行】小西灣角落港式下午茶 鬆軟夾餅拼金黃雞蛋仔粒粒飽滿
大角嘴海南雞專門店外賣孖寶套餐人均$79 除咗雞飯重有乜?
【邊境一日遊】尖鼻咀濕地5分鐘登龜山眺后海灣 沙橋村蠔殼田絕美夕陽餘暉
大隱隱於市!尖沙嘴鬧市藏維多利亞時代百年歷史建築物 遊走法定古蹟探視紅磚遊廊金字瓦頂
【野餐隨行】長洲歎人氣沙嗲牛米通 堤邊樹蔭全海景野餐 甜品有炸芒果糯米糍!
採環保餐盒+餐具!土瓜灣舊區鐵路便當地道台式口味 3款配菜期期轉換主食足料
【野餐隨行】元朗11款人氣名物瀑布蛋治有咩特別?大棠燒烤場變草地野餐場
深入皇后山邨直通布格仔路軍營 歷史古建築印度廟唔再神秘?
近電車總站!筲箕灣$30大大碟燒味飯 燒鴨燒肉件件皮脆肉嫩
【中秋好去處2022】灣仔藍屋重現大澳花燈節!手工五彩燈籠毗連景星街舊式T形街牌
素食Buffet有外帶!無肉食自助餐仍供應任夾外賣飯盒 全港5間分店抵過堂食低至$50