【#3低本地遊】中上環向來係商業地帶,而且港英政府曾就維多利亞城分為東、中、西三區,所以中環又被稱為中區。19世紀時,香港華人稱香港島北岸地區為「四環九約」,包含中環、上環、下環。中環既係心臟地帶、商業中心,亦係政治中心,大多商業機構、政府部門都屹立中環區內,而上環則相對多民生地帶,不過中上環亦可作藝術一日遊,兩個人輕鬆行逛亦係一個好好嘅拍拖活動。
3低本地遊,  兩個人旅吓行,  和你Taste

【3低本地遊】中上環藝術一日遊 實試中西合璧Cafe 再歎高水準拉麵

瀏覽次數:262
個人瀏覽過





中上環向來係商業地帶,而且港英政府曾就維多利亞城分為東、中、西三區,所以中環又被稱為中區。19世紀時,香港華人稱香港島北岸地區為「四環九約」,包含中環、上環、下環。中環既係心臟地帶、商業中心,亦係政治中心,大多商業機構、政府部門都屹立中環區內,而上環則相對多民生地帶,不過中上環亦可作藝術一日遊,兩個人輕鬆行逛亦係一個好好嘅拍拖活動。

中環著名建築物有中環天星碼頭、皇后碼頭、香港會所、皇后像廣場、前立法會大樓、香港大會堂、舊匯豐銀行總行、舊郵政總局、舊香港會會所、前中央警署、前域多利監獄及前裁判司署、中環街市、荷里活道前警察宿舍等。而上環就係海味、中藥、食米、鹹魚集散地,分佈於文咸東街、文咸西街、德輔道西一帶,而荷里活道至摩羅街一帶就比較多古董店,適合尋寶。

第一站﹕茶咖宅 Congteakafe

本地愈來愈多文青咖啡店,要突圍而出並唔容易,上環四方街呢間咖啡店茶咖宅「Congteakafe」就以中西合璧為特色,提供港式茶餐廳菜式之餘,亦提供西式All Day Breakfast等菜式。港式菜式一般以快食為主,如上環叉燒炒蛋飯,而All Day Breakfast中的班尼迪蛋配英式鬆餅則向來採用慢食為風格,今次同時有兩種唔同Style嘅菜式,的確比一般咖啡店特別。

延伸閱讀﹕上環特色咖啡店x茶記 中西合璧應該快食定慢食?

第二站﹕PMQ

提到上環,一般人都會行吓PMQ元創坊,屬區內著名藝術空間,既有唔同精品小店,不時亦會有推廣活動或展覽,兩個人行逛吓亦可提升知識同品味,好過每次只係膚淺地打吓卡啦。

第三站﹕中環大館

由上環行到近中環方向,可以去吓中環大館影吓相,大館如同PMQ,不單有多間特色小店,亦有藝術展覽。鍾意影相嘅朋友亦可以到17座F倉連接賽馬會藝方、域多利監獄監倉打卡,一面面藝術牆、古蹟石磚牆、紅磚牆,另有旋轉樓梯,最啱拍攝文青相片。

第四站﹕○de▽ 鯛白湯らーめん

行到近晚間時份,又係時候醫吓肚,今次推介位置於中環至上環之間嘅日本大阪過江龍拉麵店○de▽ 鯛白湯らーめん,主打鯛魚湯拉麵、沾麵。店內只得3個選擇,包含鯛魚清湯拉麵、鯛魚白湯拉麵、鯛魚沾麵,魚湯撲鼻,湯底極濃厚,有拉麵到配料都相當有水準。

延伸閱讀﹕大阪過江龍人氣拉麵店抵港 全港獨有鯛魚湯




E.A.Tips :

(1)

(2)


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


太安樓起家!筲箕灣東大街人氣雪糕班戟 暖笠笠法式甜品配涼浸浸雪糕球 歎埋消暑雪頂茶飲啖啖舔舔脷
近大潭水塘!陽明山莊僅存殖民時代皇冠電話亭 紅噹噹包廂懷舊味濃
【野餐隨行】油麻地一級歷史建築鬧市空中花園野餐 神秘台式廚師發辦$100有找!
【野餐隨行】石硤尾池畔叢林小餐廳歎日式超靚便當 街角文具店兼賣醉雞麻醬蕎麥麵
大角嘴迷你威尼斯西餐廳Risotto出色 中西合璧加臘味賣Fusion?
【野餐隨行】小西灣角落港式下午茶 鬆軟夾餅拼金黃雞蛋仔粒粒飽滿
大角嘴海南雞專門店外賣孖寶套餐人均$79 除咗雞飯重有乜?
【邊境一日遊】尖鼻咀濕地5分鐘登龜山眺后海灣 沙橋村蠔殼田絕美夕陽餘暉
大隱隱於市!尖沙嘴鬧市藏維多利亞時代百年歷史建築物 遊走法定古蹟探視紅磚遊廊金字瓦頂
【野餐隨行】長洲歎人氣沙嗲牛米通 堤邊樹蔭全海景野餐 甜品有炸芒果糯米糍!
採環保餐盒+餐具!土瓜灣舊區鐵路便當地道台式口味 3款配菜期期轉換主食足料
【野餐隨行】元朗11款人氣名物瀑布蛋治有咩特別?大棠燒烤場變草地野餐場
深入皇后山邨直通布格仔路軍營 歷史古建築印度廟唔再神秘?
近電車總站!筲箕灣$30大大碟燒味飯 燒鴨燒肉件件皮脆肉嫩
【中秋好去處2022】灣仔藍屋重現大澳花燈節!手工五彩燈籠毗連景星街舊式T形街牌
素食Buffet有外帶!無肉食自助餐仍供應任夾外賣飯盒 全港5間分店抵過堂食低至$50