粉嶺嚴格嚟講雖然唔算一個小區,但屬於新市鎮一部份,位處北區,原本係農田,後來發展成住宅區,目前只有偏遠村落先仍然會有農田。粉嶺其實有唔少值得遊覽嘅地方,人流較少,環境清靜舒服,絕對係拍拖好去處之一。
3低本地遊,  兩個人旅吓行,  和你Taste

【3低本地遊】粉嶺聯和墟歎惹味泰菜 直闖流水響印度廟

個人瀏覽過





粉嶺嚴格嚟講雖然唔算一個小區,但屬於新市鎮一部份,位處北區,原本係農田,後來發展成住宅區,目前只有偏遠村落先仍然會有農田。粉嶺其實有唔少值得遊覽嘅地方,人流較少,環境清靜舒服,絕對係拍拖好去處之一。

原來粉嶺開發前大多聚集上流階層同外藉人士,所以有唔少別墅建築物,甚至由外藉人士、英軍設立嘅粉嶺狩獵賽馬會、80年代知名西餐廳畢打奧餐廳,而粉嶺曾經有多個軍營,包括作解放軍駐港部隊使用嘅新圍軍營同大嶺練靶場。

第一站﹕雄泰

行到粉嶺,一定要去聯和墟搵食,當中有一間泰國菜嘅街坊小店,裝潢雖似港式大排檔,但菜式就以泰式為主。各款湯粉或飯每碗由$40至$45,小食則介乎$25至$32,價錢貼地,兩個人可以$100埋單,必食之選係牛湯粉,湯頭濃郁有牛味,牛腩、牛柏葉、牛丸軟嫩入味。

延伸閱讀﹕粉嶺聯和墟平價泰國菜 必食超濃船河湯底牛湯粉

第二站﹕皇后山印度廟

由聯和墟出發,可以直踩入皇后山印度廟同皇后山軍營,印度廟為三級歷史建築,隱居山上,神秘又神聖,設計獨特,充滿宗教色彩,但其實唔難搵,由入口行到印度廟,前行約100米即達,步程只係2至4mins。反而皇后山軍營路段比較複雜,雖然近在咫尺,但面積唔細,20座營房貌似廢墟,滿滿頹廢感。

延伸閱讀﹕皇后山隨時行足2小時? 教你2分鐘去到印度廟

第三站﹕流水響水塘

由皇后山繼續前行,可以直闖位處流水響水塘,環境清幽寧靜,流水潺潺,水塘更有香港小桂林之稱,可以靜靜哋兩個人散吓步。流水響亦靠近鶴藪水塘,可以一條路線行晒,水塘人流唔算多,樹林、水塘清澈,仲可以拍攝天空之鏡。水塘沿路都有指示牌,路面都係水泥路,容易步行,水塘旁邊仲可以作野餐點,周末可以輕鬆一下。

延伸閱讀﹕綠意盎然 流水潺潺 「香港小桂林」流水響水塘最啱野餐露營


E.A.Tips :

(1) 乘搭小巴路線52B可以直達布格仔路或流水響。


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!