【#3低本地遊】油塘位處香港東面,基本上係屋邨住宅地,想找尋油塘拍拖好去處比較困難,就連美食點都難以搵到,今次就一於兩個人於此區找尋美食、玩樂好地方,一日食勻3間區內僅有嘅美食點,再一連探索兩個城中古村。
3低本地遊,  兩個人旅吓行,  和你Taste

【3低本地遊】探索茶果嶺城中古村 油塘輕鬆徒步鯉魚門石礦場

個人瀏覽過





油塘位處香港東面,基本上係屋邨住宅地,想找尋油塘拍拖好去處比較困難,就連美食點都難以搵到,今次就一於兩個人於此區找尋美食、玩樂好地方,一日食勻3間區內僅有嘅美食點,再一連探索兩個城中古村。

事實上,油塘早期被稱為游塘,係由於英文叫Yau Tong,以前係市郊地方,三家村海灣原叫觀塘仔灣,而茶果嶺原為石油儲存庫,沿海位置亦曾為工業區,製造業式微後已經空置荒廢,並改為住宅發展,當中有油塘邨、鯉魚門邨。正正由於曾經有油庫,所以最後就易名油塘。

第一站﹕大本營 北海道牧場

油塘向來係一個真美食沙漠,只有連鎖式嘅良心店,其他區域都有嘅小店,全無獨特性,兩個人一早12點前出發可以先食個早餐,北海道牧場表面係日本嘢,實際上只係賣港式美食,而且早餐同港版金拱門無乜分別,當中豬柳漢堡拼3.6牛乳炒蛋配熱香餅就神複製快餐店食物。

延伸閱讀﹕【黃店巡禮】油塘美食沙漠中搵食 3間連鎖式小店飲茶/快餐/日本嘢任揀

第二站﹕茶果嶺村

食完早餐,可以前往位處油塘至藍田之間嘅茶果嶺村,村落歷史悠久,係碩果僅存嘅寮屋區,二戰後曾收容大量難民,好多為前舖後居,同時曾經有好多偏門業務拓展,不過近年大多人去樓空,只餘下少量居民。

而茶果嶺天后廟以致一個又一個破舊嘅鐵皮屋、木屋,都係人手建造。茶果嶺本身亦採掘到花崗岩、瓷泥等石塊,70年代採石業蓬勃發展,茶果嶺係其中一個擁有石礦場嘅地方。茶果嶺村設備簡陋,雜物繁多,隨處可見,小路亦狹窄難行,居住環境似乎有幾分惡劣,加上曾發生大火,的確有欠安全。但村內屬三級歷史建築同以花崗岩石建造嘅茶果嶺天后廟、羅氏大屋、四山公立學校、採用麻石建成嘅聖馬可堂、曾多次奪得冠軍嘅超長合義龍龍船,甚至求子石都係值得一遊嘅地方,加上從茶果嶺村可近距離望海景,對岸為金融中心,新舊交融下的確有幾分懷舊感覺。不過,時代巨輪不斷轉動,茶果嶺村近年不斷經歷拆卸重建風波,獨特風景唔會長留於世,似乎村落不久將來始終都會逐漸被消失,唔係有時間不妨兩個人及早去散吓步啦!

延伸閱讀﹕碩果僅存市區古村落 茶果嶺村隨時被消失?

第三站﹕大本營 和平飯店

中午過後,可以去飲啖茶、食個包,以點心、茶樓為主打嘅要數和平飯店,中式古典設計大廳同酒樓差唔多,每位茶介$9,另有加一,以上海美食為主,當中可挑選韭菜鮮肉鍋貼、不等你小籠包、雪菜鹹肉炒年糕、排骨擔擔麵等。

延伸閱讀﹕【黃店巡禮】油塘美食沙漠中搵食 3間連鎖式小店飲茶/快餐/日本嘢任揀

第四站﹕鯉魚門石礦場

於油塘起步,沿海旁徒步至鯉魚門三家村,腳程約10mins,而鯉魚門三家村有150年歷史,附近更有一個石礦場,最啱唔願行得辛苦又想影相嘅朋友!鯉魚門三家村為一個避風塘,從鯉魚門三家村直入,即可行到鯉魚門石礦場,位置空曠,既有荒廢石屋,環境充滿頹廢感,部份小叢林更有探險感覺。除咗燈塔,石礦場旁邊連有石灘,會發現唔少釣魚客,後面有大草地,可以影吓相。

延伸閱讀﹕三家村碼頭走20分鐘闖鯉魚門石礦場 驚現西藏梵文彩旗 荒廢石屋/廢墟石灘/大石山打卡

第五站﹕大本營 Antoshimo Cafe & Bakery

折返油塘大本型商場,可以去埋剩低嘅連鎖店,Antoshimo Cafe & Bakery表面似普通Cafe,實際上就真係食日本嘢,可以揀午餐、下午茶、晚餐,單點或套餐嘅價錢都算適中,套餐有主食、小食、甜品、飲品,自選鍋物會原鍋上,自由配搭熱烏冬或燴飯,下午茶就較抵食。而呢間小店最大特色係甜品,當中招牌冬甩有沖繩花之雪糕冬甩,即叫即焗,熱焫焫上枱,麻糬冬甩與雲呢嗱雪糕混合,冰火交融,煙韌冬甩加上Custard、少量焦糖醬、士多啤梨絲,唔算太甜膩。

延伸閱讀﹕【黃店巡禮】油塘美食沙漠中搵食 3間連鎖式小店飲茶/快餐/日本嘢任揀


E.A.Tips :

(1) 經過油塘站大本營,行15mins到鯉魚門避風塘;或油塘巴士總站搭14C/24號綠色小巴,去三家村渡輪碼頭,都可以直達鯉魚門石礦場。


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!