位於港島最東面嘅柴灣,群山環抱,包含柏架山、歌連臣山、砵甸乍山,處於杏花邨至小西灣之間,自成一隅,可眺望將軍澳方向,靠近鯉魚門度假村、藍塘海峽,水源充足,至於柴灣一名源由則有多個講法,其中一個係由於呢個海灣早年盛產木材,可用作柴薪,所以叫柴灣。
3低本地遊,  兩個人旅吓行,  和你Taste

【3低本地遊】原為客家村落? 秘道探索柴灣戰時遺跡 體育館藏迷你定食屋

瀏覽次數:235
個人瀏覽過





位於港島最東面嘅柴灣,群山環抱,包含柏架山、歌連臣山、砵甸乍山,處於杏花邨至小西灣之間,自成一隅,可眺望將軍澳方向,靠近鯉魚門度假村、藍塘海峽,水源充足,至於柴灣一名源由則有多個講法,其中一個係由於呢個海灣早年盛產木材,可用作柴薪,所以叫柴灣。

第一站﹕羅屋民俗館

屬香港法定古蹟嘅羅屋民俗館係香港歷史博物館嘅分館之一,位處柴灣吉勝街14號,於90年代建成,至今仍然免費入場,逢星期四休館。羅屋民俗館原為古村屋,由清朝至今有逾200年歷史,70年代保留並改為民俗館,包含展覽廳、中式花園。其中保留咗門樓屋,屋頂為瓦片堆疊,屬傳統型民居,3個房間大小相近,門口更有天井,包括當時嘅大廳、廚房灶頭陳設,甚至閣樓臥房、農具,呈現原始居民生活面貌。

第二站﹕柴灣北配水庫遊樂場

柴灣北配水庫遊樂場靠近東區尤德夫人那打素醫院,位處筲箕灣至柴灣之間,屬區內小型休憩地,內有硬地足球場,而配水庫遊樂場背後更有一道秘密小路,可以通往西灣山。

柴灣一地於宋朝時已有人聚居,其後大多居民以務農、捕魚、燒灰為生,而居民早期以客家人為主,客家文化色彩濃厚,當中客家話柴灣發音如西灣,所以當時柴灣又叫西灣,50年代又因柴灣唔吉利而被港府改為翠灣,故現時柴灣唔少公屋、私樓都以「翠」字命名,包括怡翠苑、新翠花園、翠灣邨、瓖翠邨。柴灣一地雖然曾受英國管治,但講到殖民色彩基本上只有英方留低嘅軍事遺跡。

第三站﹕西灣炮台

走入秘道,可直接通往西灣炮台,位置有各個防禦軍事遺跡,包含炮台、堡壘、碉堡,歷史悠久,值得拍拖兩個人探索吓,不過英殖時期大炮已經消失,目前只能睇吓殘留痕跡。

第四站﹕鯉魚門公園 (西灣山)

西灣山海拔高不足200米,上山路段有樹蔭,路段簡單易行,為柴灣後花園,而西灣山鯉魚門公園曾為英軍基地,現時於西灣山坳頂可睇日出、日落,俯瞰柴灣市景,亦可環瞰大海景,視野遼闊。

延伸閱讀﹕柴灣西灣山270度瞰海景賞日落 2條秘道闖炮台窺探戰時遺跡

第五站﹕悠 定食屋

夜晚想搵地方食飯,不妨試吓去柴灣體育館內上層一間好神秘嘅餐廳。餐廳位處活動室旁,係一間日式定食屋,當中有定食箱飯、鍋物等,每人$100內埋單,好抵食。定食加$28可以食埋招牌貓飯、麵豉湯、前菜、沙律,套餐一樣,更可以點幾款小食,大概係做開運動嘅人先會知道嘅日式料理。

延伸閱讀﹕神秘定食屋隱藏柴灣體育館 人均$100歎日式料理




E.A.Tips :

(1)

(2)


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足