本地黃金海岸異國風情 黃金泳灘水質極差沙石繁多？

個人瀏覽過

澳洲有黃金海岸，香港亦有黃金海岸，充滿異國情調，商場以地中海風格設計，寫意非常，本來有浪漫感，係傳統拍拖好去處之一。夏日炎炎，兩個人再遊走旁邊嘅黃金泳灘，更有外國感，同時可觀賞夕陽靚景，本來有如海邊度假，但現時沙粒、水質都似乎有欠完美。

香港黃金海岸全擁青山灣海景，可眺望大嶼山、香港赤鱲角國際機場，環瞰遊艇會風景，附近亦有商場、酒店、沙灘、私人屋苑等。整個黃金海岸商場都以歐陸風格設計，滿佈椰樹，調校好角度，即有如外國度假。

至於沙灘雖然係一個人工泳灘，由天然海沙舖設，只係一個人造沙灘，但由於交通方便，毗鄰黃金海岸高場，每個禮拜都吸引唔少熱愛陽光與海灘嘅公眾。沙灘由青山公路青山灣段延伸至掃管笏段，全長約0.5公里，而加多行灣、新咖啡灣、舊咖啡灣都同黃金泳灘處於同一海岸線之上。

不過，黃金泳灘現時沙粒絕唔幼細，光腳踩上沙堆上時，沙石眾多，亦有異物，完全唔舒服。而黃金泳灘於2008年曾被環境保護處公佈水質為極差水平，直到2010年先回復良好水平，而至今除咗水質轉差、沙石繁多，著鞋散吓步、黃昏睇吓日落，本來的確係幾浪漫嘅，只係沙灘內有唔少垃圾，影響環境，未知係海浪沖上沙灘定係人為因素啦。

---

---

---

E.A.Tips :

(1) 乘搭巴士路線61M,52X,962、小巴路線140M,43,43B,43S ，均可到達香港黃金海岸、黃金泳灘。

(2) 黃金泳灘對出有偌大公眾停車場。

(3) 由商場行到泳灘，腳程大概只係10至15分鐘。

(4) 沙灘為康文署正式泳灘，有基本設備。

---

---