兩個人旅吓行,  和你Taste,  本地偽旅行

【京都偽旅行】眺日系小漁村碼頭 穿越嵐山連綿竹林 歎高水準日式便當定食

瀏覽次數:182
個人瀏覽過





提到京都嵐山,唔少人第一時間就會諗起竹林之道、保津川,既可以觀賞秋季楓葉,亦可以觀賞春季櫻花,拍拖兩個人去確實非常浪漫,不過去唔到日本有咩辦法?其實香港都有唔少竹林隧道,大自然美景同樣盡收眼底,穿越竹林之後亦可以歎返碗日式燒牛丼,嘗試吓偽旅行感覺。

(1)新蒲崗﹕小春日和

港版竹林之道位於西貢,可以先到新蒲崗飽餐一頓,再乘搭小巴前往西貢方向。其中一間位卡新蒲崗嘅家庭式家食小店價錢非常相宜,款式唔多,最平$43,每份定食套餐包含沙律、主食、飲品,而主食亦好有水準,尤其係豚肉卷定食。

延伸閱讀﹕新蒲崗時光倒流價定食 香蔥豚肉卷肉汁豐腴大驚喜 仲有Yell Card抽!

(2)新蒲崗﹕重光弁当

如果想食便當,可以稍移玉步到新蒲崗廣場,呢間日式小店於逆市開業,由食材到便當盒都選用日本貨,非常有誠意、有心思,即使係一盒親子丼都係有水準,而一盒便當盒亦足夠一個人飽肚,份量唔少。

延伸閱讀﹕拒中國製! 新蒲崗廣場藏心思小店 重光弁当款款便當精緻有特色

(3)西貢﹕白沙灣碼頭

前往竹林隧道之前,於白沙灣碼頭可以找尋一個日系小漁村碼頭,位置於西貢、清水灣之間,於竹林隧道回望亦可以望到白沙灣遊艇會碼頭,而碼頭靠近白沙灣泳灘,可眺望匡湖居,不時有風帆、遊艇停泊於碼頭內,有如保津川遊船碼頭。

延伸閱讀﹕西貢神秘寶地 20分鐘到茅坪竹林隧道打卡

(4)西貢﹕北港古道、茅坪古道

京都嵐山為著名觀光地點之一,以渡月橋為中心,當中以竹林之道最為人熟悉,而本地亦有港版竹林之道,連綿竹林遍佈山野之間,橋成一道竹林小徑步道,雖然竹香唔勁,但仍然恍若穿越日本京都。穿過竹林小徑後,頂端休息地則有如嵐山龜山公園,欠缺嘅就只係春季櫻花、秋季楓葉。

延伸閱讀﹕1小時穿梭北港古道連綿竹林 茅坪古道尋樹藤皇梅大石澗 烏溪沙泥涌石灘驚變綠洲

(5)大水坑﹕楓食堂

離開北港古道、茅坪古道,可以從西貢步行至大水坑,肚子飢腸轆轆,當然要搵吓嘢食,可以去躲藏於富安花園巴士總站附近嘅一間街坊小店,主打日式美食,價錢合理而好有水準,當中生薑燒牛丼就有日本進食牛丼嘅感覺。

延伸閱讀﹕大水坑街坊小店楓食堂 日式燒牛丼海量牛肉有水準



Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


免加2蚊!太子親民居食屋靠近雷生春 日式料理丼飯套餐外賣抵過堂食
流浮山海鮮街酒家林立藏殖民時代皇冠郵筒 海味場旁眺后海灣日落觀60年歷史神秘建築物
【野餐隨行】九龍城人氣泰國菜皮蛋炸蝦餅x潮州粉麵上等牛坑腩 賈炳達道公園野餐大玩Crossover
西貢外賣限定英式炸魚薯條專門店 最高人氣係邊款小食?
經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象