【曼谷偽旅行】新界東穿越大城水上市場/瑪哈泰寺 歎地道惹味泰式牛湯粉
瀏覽次數：102
個人瀏覽過
泰國大城府係曼谷一個周邊城市，屬境內一個歷史古城，相比布吉、芭提雅、華欣等地係較鮮為本地人知道，事實上大城府位處曼谷北面，擁眾多宏偉建築，亦為阿瑜陀耶王朝時期首都遺址，曾有5個朝代、33位國王，後來被緬甸軍攻擊後淪陷，現時大城府離曼谷約需1至1.5小時車程。今次編輯就帶大家搜尋有泰國曼谷大城風格嘅地方，包含偽水上市場風景、泰國寺廟。
（1）粉嶺﹕雄泰
本地有好多泰國美食，粉嶺呢間主打泰國菜嘅小店以平價湯粉飯為主，當中牛湯粉係必食之選，湯頭濃郁，有如泰式船河，滿滿牛味，河粉則幼身而掛湯，至於泰式奶茶亦有如泰國手標茶，無論紅茶基底定甜度都好相似。
（2）上水﹕河上鄉
上水有一處鄉村地方，近月有一間小餐廳開業，吸引一眾路過嘅單車客，小店為露天茶座形式，陽光底下用餐特別Chill，內有木屋、棕櫚樹、小魚塘，有如度假風小花園。餐廳對出為小魚塘，有如大城水上市場，爭在無得遊船、逛街，但貌似旁邊有餐廳嘅水上市場，河道美景愜意非常。
延伸閱讀﹕上水河上鄉魚塘滿滿度假風 西多士配清新柚子醬 週末小花園露天茶座歎下午茶
（3）大埔﹕太和泰國寺
大城府被緬甸軍攻擊後，佛像、遺跡都被破壞，令多個地方都顯得殘破而唔完整，而本地亦有泰國寺，其中一座寺廟為泰國佛教公會及泰皇認可佛寺，以修行為主，背後溪邊更隱藏咗一個百年樹屋，有如瑪哈泰寺內嘅樹中佛陀，泰國有同無花果樹二合為一嘅樹中佛像，本地亦有寺後樹屋，樹中佛為泰國景點，而樹中屋則為偽泰國景點。
延伸閱讀﹕大埔秘境！深山泰國寺藏百年樹屋 林村尋覓打卡熱點大菴古窰
