【中東偽旅行】半山薄荷綠摩羅廟探索回教建築 登上中亞風格Tapchan用餐
瀏覽次數： 79
個人瀏覽過
中東係比較少本地人旅行嘅地方，而中東基本上包含土耳其、杜拜、黎巴嫩、伊拉克、敘利亞、約旦等國，通常有如披上一層面紗，充滿神秘感、刺激感，而香港曾為國際大都會，匯聚中西文化，當然亦可以搵到中東主題景點，今次就帶大家兩個人登上Tapchan用餐，再拍拖上半山參觀吓隱藏於中區、建築超靚嘅清真寺。
（1）深水埗﹕Lonely Paisley
先到深水埗用餐，區內近月有一間全新嘅小店，靠近黃金電腦商場，以土耳其風格設計，滲出中亞、中東風格，最突出係門口有3張超大Tapchan，以大先毯蓋上大床，搖身變成中亞人傢俱，加上室內裝潢，充滿異國風情，例如印度風木門、阿富汗風地毯，摩洛哥風馬賽克吊燈等，可以隨意拍攝偽旅行照片。
延伸閱讀﹕深水埗異國風Tapchan大毛毯進餐 實試土耳其知名甜品+伊朗青檸玫瑰水
（2）中環﹕些利街清真寺 Jamia Mosque
乘搭渡海小輪過海，由中環沿扶手電梯可以直接登上半山山腰位置，會發現中途有一座非常隱蔽嘅中東清真寺。由扶手電梯中段找尋繡花門大閘路口進入，可見中環半山區內有一座超靚薄荷綠色教堂，奪目非常。事實上，些利街清真寺又稱為摩羅廟，採典型伊斯蘭建築風格設計，大殿有拱門，尖頂有代表伊斯蘭教嘅星月圖案，旁邊有呼拜塔，內部有阿拉伯風格拱窗，係本地最古老清真寺，亦係香港一級歷史建築，而清真寺原色唔係薄荷綠色，只係灰白色，只係後期改髹薄荷綠色。
延伸閱讀﹕中環半山藏薄荷綠摩羅廟 全港最古老清真寺被列一級歷史建築
