兩個人影吓相,  港島

盛夏遊沙灘!血腥地帶變浪漫海灘 赤柱市集步行10分鐘即達聖士提反灣

瀏覽次數:192
個人瀏覽過





盛夏來臨,又係時候去吓沙灘,單單一個赤柱就有幾個沙灘,赤柱向來以歐陸風情聞名,但現時往往被擠得人頭湧湧,事實上兩個人行多幾分鐘,就可以稍稍避開人群,找尋靠近赤柱而舒適嘅沙灘。

由赤柱步行往赤柱炮台方向,中段會經過聖士提反灣,相對赤柱沙灘,為一個比較偏僻嘅小沙灘,內有燒烤場、水上活動中心,可以大玩風帆、獨木舟、滑浪風帆等。從赤柱廣場起步,穿過赤柱市集、赤柱大街、赤柱八間屋,經赤柱後灘,走向盡頭會見到黃麻角徑指示牌,沿小路直上黃麻角道後,前行5至10分鐘即可以見到一個個小路口可以通往聖士提反灣泳灘,全程約步行15分鐘。

聖士提反灣泳灘位處赤柱西岸,靠近聖士提反書院、聖士提反書院附屬小學,前身為黃麻角村舊址,附近則有「劏人排」,亦叫「斷頭石」,聖士提反灣位置於歷史上曾經發生過戰亂,包括太平洋戰爭,上演過一幕幕悲劇,包括處決囚犯、毒打、斬頭、槍決、安葬之地,完全係一個刑場,血腥味十足,而附近赤柱軍人墳場就用作安葬英軍、軍人家眷,更包含戰俘、集中營平民。

環境上相對赤柱市中心沙灘清靜,可以享受廣闊海景,黃昏更可拍拖漫步沙灘,夕陽斜照會更浪漫,於陽光與海灘下暫時逃離石屎森林,正對赤柱灣,亦可回望赤柱方向,眺望赤柱日落黃昏景。而沙灘亦為官方泳灘,可以游水,甚至玩水上活動,現時水質不俗,沙粒唔粗糙,總算係值得一遊嘅沙灘。




E.A.Tips :

(1) 沙灘一般24小時開放,但救生員當值時間只限09:00至18:00,而冬季11月至3月嘅救生服務則暫停,浮台會暫時移走以進行保養維修。

(2) 乘搭巴士路線6,6A,6X,260,63,65可以到達赤柱,從赤柱步行到聖士提反灣約需10分鐘。而往赤柱炮台方向嘅巴士路線14號可到達黃麻角徑,步行3分鐘即達聖士提反灣泳灘,不過就每20分鐘一班車,落車位置近赤柱監獄,從巴士站觀察,監獄窗口非常細小,似乎難以通風。由黃麻角道轉入黃麻角徑,就可以抵達沙灘。

(3) 泳灘外有少量時租停車位,但部份咪錶已經壞咗。

(4) 沙灘旁為聖士提反灣水上活動中心,開放時間為08:30至17:00,逢星期二休息,可供租艇,亦有水上活動訓練班,但需要8歲以上兼且諳練泳術人士,需要預約

(5) 沙灘為康文署正式泳灘,有浮台、防鯊網,亦有基本設備,包含更衣室、淋浴設備、洗手間,亦有小食亭、燒烤爐,不過疫情期間已封閉燒烤爐。

6) 謹記保持安靜,自己垃圾自己帶走。


聖士提反灣泳灘

香港赤柱黃麻角徑
24hours
2813 1872

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足