2021-09-19

遊走中上環只識行大館? 帶你去半山童話式大宅 一條路線睇三種古典建築

個人瀏覽過





唔少人遊走中上環打卡路線通常都會包含以古典英式風格為主嘅中環大館,但事實上中西區又點只一座古典建築物,今次帶大家拍拖兩個人由西營盤行到上環,找尋3種古典建築物,由巴洛克建築風格到新哥德式建築風格,以至愛德華時代建築風格,其中一間更似足童話風大宅。

從西營盤起步,會先去到一座被街坊稱為高街鬼屋嘅建築物,事實上係西營盤社區綜合大樓,前身為精神病院,現時為香港法定古蹟。大樓由1892年落成,以粗琢花崗岩組成,以大麻石設計牆身、走廊,現時保留L形正立面,有9層高,為社區服務團體使用。大樓為巴洛克建築風格,目前仍然可從外面觀望紅磚天花、花崗石柱、木門等風格。

向上環方向前進,會經過一座新哥德式建築風格設計嘅中華基督教會合一堂香港堂,位置亦於半山區,現時為香港一級歷史建築物,不過建築物唔對外開放。

繼續沿上環方向走,會發現半山區隱藏一座尤如童話風格嘅大宅,採用愛德華時代建築風格設計,現時為法定古蹟。大宅其實係孫中山紀念館,前身為何東胞弟何甘棠嘅住宅甘棠第,門口有孫中山銅像,館內含一代革命家、中華民國國父孫中山先生生平,亦有介紹同香港嘅關係,當中以「孫中山與近代中國」、「孫中山時期的香港」為常設展覽。

甘棠第即孫中山紀念館,以愛德華時代建築風格設計,古典味濃厚,屬20世紀建築物,步入大宅有如時空穿梭。整座大宅有4層樓高,室內更有一道迴旋柚木樓梯、壁爐,風格獨特,扶欄精緻,樓梯非常華麗,旁邊更有色彩斑爛嘅彩繪玻璃窗,非常優雅,可以打吓卡。

走出1至2樓嘅弧形露台,內有拱形木門,亦有希臘巨柱承托、彩繪玻璃窗,而地面則以復古瓷磚舖砌,露台內更放有藤製長櫈。從甘棠第感受百年建築,由露台可望堅道風景,大廳內更富麗堂皇嘅燙金雕花巨柱、精緻吊燈、金碧輝煌嘅壁爐。

      

E.A.Tips :

(1) 孫中山紀念館開放時間一般星期一至五為10:00至18:00,而星期六、日及公眾假期則延長至19:00,留意星期四休息,農曆年初一及二亦休息,聖誕前夕及農曆新年除夕則提早至17:00關門,而八號波以上為黑色暴下則唔會開放,至於孫中山先生11月12日誕辰、3月12日忌辰則如常開放。

(2) 西營盤社區綜合大樓只得外面可自由走動,上環中華基督教會合一堂則禁止進入,而孫中山紀念館為免費開放展館。

(3) 注意孫中山紀念館雖然免費入場,但所有大殿內同展品都係嚴禁攝影或攝錄,如果想影相就只能夠於殿外拍攝,例如走廊、樓梯、露台。

(4) 謹記於館內保持安靜,唔好騷擾其他人。


西營盤社區綜合大樓

西環西營盤高街2號
09:00-22:00
2540 1880

上環中華基督教會合一堂

半山般咸道2號合一堂

2548 6080

孫中山紀念館 / 甘棠第

香港島中環半山區衛城道7號
10:00–18:00,星期四休館
2367 6373

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook啦!
ΔPlease Like & Follow & Subscribe /
歡迎讚好、追蹤、訂閱

       

銅鑼灣推限定二人套餐 人氣店燈籠滷味啖啖台北夜市風味
靠近石板潭!本地鳳眼藍9月再盛放 鹿頸南涌魚塘角落零距離觀賞浪漫紫花海【2021賞花地圖】
Bauhaus風格豈止中環街市? 中上環博覽館活化必列啫士街街市 直上半山探索童話式大宅
盛夏Kayaking!西貢海灣3條路線出發獨木舟 小島玻璃水清澈見底 探索海洋生態享異國風靚景
筲箕灣東大街平民價正宗泰國菜 冬蔭公湯底濃郁可口 蝦醬炒飯惹味有驚喜
深井村西式咖啡店只限7月?All Day Breakfast 配料自選 罕見櫻花蝦炒蛋+熱香餅有新鮮感
深水埗基隆街泰北麵口味正宗 家鄉湯底香口惹味恍如穿越泰國
【中秋好去處2021】大澳水鄉花燈節取消開幕儀式 走勻大街小巷尋幻彩手繪燈籠 同場加映元朗大橋街市五彩燈籠街+灣仔利東街紅噹噹燈籠海
光屋係乜東東?深井村歷史文化半日遊 農村變工業邨再變住宅地 探索舊式工廠+廢校牌坊
九十後部落觀塘新分店開業 懶人週末悠閒上樓歎All Day Breakfast
夏日去邊個沙灘?粉藍情人橋重開打卡地再現 石澳盡頭闖大頭洲回望小漁村尋靚景
連影193燈塔+日系碼頭唯美暮色!西貢海鮮街徒步三星灣路線 泳灘碧綠玻璃水清澈見底
大角嘴街角星馬菜餐廳 大大塊厚切豬扒上枱就聞到香味 最出色唔係菜式係乜?
大角嘴角落手打烏冬專門店 經濟型街坊價定食有乜揀?
尖沙嘴鬧市藏港版粉紅教堂 哥德式設計逾百年歷史 尖頂似浪漫童話古堡
中環半山藏薄荷綠摩羅廟 全港最古老清真寺被列一級歷史建築

撰文﹕Miss A ;攝影﹕Mr E, Miss A;設計﹕Mr E

View all posts by 撰文﹕Miss A ;攝影﹕Mr E, Miss A;設計﹕Mr E →