超隱秘！素肉骨茶湯底！荃灣巷弄素食車仔麵$50有找 24款純素/蛋奶素車仔餸任揀

[sig_post_pv label=””] 個人瀏覽過

香港地茹素之人愈來愈多，而素食本身較健康，唔少葷食者亦愛間中挑選素食，以至現時素食店數量與日俱增，素食都可以慢慢精挑細選。荃灣有一間標榜「素食車仔麵專家」嘅小店，位處巷弄之間，極為隱蔽，一般人行過荃灣亦未必察覺得到其存在，僅區內部份街坊、識食之人先會搵到，重點係一碗3餸車仔麵唔使$50，兩個人拍拖去絕對可以$100以下埋單。

• 

• 

荃灣小店「素悅軒」位於窄巷一隅，店方最特別嘅地方,不單係信奉佛教，而係每日朝早都會派發120個免費飯盒俾有需要人士，而店內外則有巷弄大排檔嘅感覺，不過其實只係一間車仔麵檔，以素食車仔麵為主打，車仔餸款式有足足24款，當中包含純素或蛋奶素，方便選擇。

• 

• 

食麵之前，每人都會有一碗素湯作例湯，而且不時轉換，編輯當日係雜菜湯，比較清淡，內有西芹、紅蘿蔔等，例湯由純蔬菜熬煮確實特別清甜，似足住家湯水。

• 

• 

每人每款三餸湯麵$48、三餸撈麵$58，麵底有米線、公仔麵、米粉、生麵、河粉、油麵，當中生麵有幼麵、粗麵揀，生麵亦係蛋素，更特別之處係湯底不單有清湯、牛腩汁、沙嗲汁、麻辣汁，可揀大中小辣度，小辣大概係比熱浪薯片辣少少，略有麻香。當中，湯底更有喇沙汁、肉骨茶，而肉骨茶味道濃郁，入口似少少有藥材味，但味道唔重，無肉味，同平常葷食肉骨茶有分別，調校出嚟仿真度有約7成，湯底質感稍有黏稠，配搭粗麵好掛湯，飲落亦順口。

• 

• 

• 

• 

• 

---

---

至於車仔餸有分純素、蛋奶素，想索湯嘅可以挑選清甜軟嫩嘅白蘿蔔、紫菜、時菜、素蠔油冬菇等純素菜類，非常入味；想香口啲可以揀炸薯片、響鈴等，想有肉感可以選擇沙嗲牛肉、素鴨、叉燒、牛蒡扒、牛腩等，甚至有素版鹵水大腸。當中，牛腩、牛蒡扒、沙嗲牛肉為蛋奶素，牛腩能夠營造肉絲質感，亦稍有牛脂肪感覺，但以肉感素菜嚟講，唔算太油膩或鹹度太高，的確係特別；而素叉燒配搭葷食叉燒嘅燒烤醬，調配得恰好，略帶微甜，味道方面的確似叉燒。

• 

• 

• 

• 

• 

• 

• 

---

E.A.Tips﹕

(1) 小店位於小巷之內，於光榮冰室斜對面，室內外加埋有約10個座位。

(2) 留意逢星期二休息，初一至初三亦休息，而初一、十五會如常營業。

(3) 只收Cash，唔收電子支付，另無加一。

(4) 揸車可以搵街邊時租停車格，亦可去荃灣城市中心停車場泊車。

(5) 小巷離千色匯只係約2分鐘步程。

(6) 乘搭巴士路線39A,40,43P,43X, 46S,48X,49X,57M, 58M,58P,59A,61M,67M,68A,69M, 73D,73X,235,260C, 265M,269M,269P, 273C,273P,278A,278P, 278X,290,290A, 290B,290X,934A, A31,N36,N252,N260, N269,NA31 可以於眾安街落車，位置為千色匯門口；而小巴路線81M,82M則可直接到達兆和街。

(7) 跟餐熱飲加$8，凍飲加$10，油菜$10，加底$10，加餸每款$10。

(8) 自己於點餐紙上圈低各項選擇，堂食就食完先埋單。

---

---

---