每日只做5款主食！ 大角嘴商場限量日本牛丼 沖繩小島料理心機爆滿

[sig_post_pv label=””] 個人瀏覽過

大角嘴美食多蘿蘿，當中富多來商場就有大量值得推介嘅蚊型餐廳，今次就搵到一間以日本牛丼為主嘅小島料理，餐牌上只有5款主食可擇，非常簡潔，3款牛丼都屬每日限量，而其中2款主打牛丼則分為小盛、並盛、大盛，價錢低而有水準，確實值得拍拖兩個人去試一試。

• 

小店裝潢簡單，由門面日式設計到室內木系裝份，以至菜式都貫徹日本小店風格，門口有2個窗口位，內有4張2至4人枱，地方唔大。菜式以牛丼為主，包含西冷牛丼、肉眼牛丼、壽喜牛丼$50，當中西冷牛丼、肉眼牛丼都分為小盛、並盛、大盛，分別在於每份加約3成肉量，而飯量不變。

• 

• 

• 

慢煮肉眼牛丼小盛$70、並盛$90、大盛$110，而今次編輯當日只淨返慢煮西冷牛丼，小盛$55、並盛$70、大盛$90，並盛肉量已經唔少，大概有10片牛肉，厚薄適中，一碗牛丼內含雜菜、生菜絲、日本生蛋、乳酪醬，令牛丼可減低牛肉膩感，而新鮮蛋汁令飯粒帶微黏質感。肉眼牛明顯比西冷牛軟嫩而有牛味，不過西冷牛質感亦好軟腍，牛肉略有調味，表面淋上少量乳酪醬後更有日本風味。

• 

• 

• 

• 

• 

• 

• 

另有奶油咖哩雞飯$58、沖繩豬肉塔可飯$58，味道都係偏向辛辣，當中沖繩豬肉塔可飯包含生蕃茄粒、生洋蔥粒、生菜絲、乳酪醬，混合起來有幾分似墨西哥卷餅、中東傳到希臘嘅Pita Bread，內餡有一堆有味碎肉粒，混合生菜絲、蕃茄粒後，再加入乳酪醬，辛辣中略帶清新感，好醒胃。

• 

• 

• 

• 

• 

---

---

---

E.A.Tips﹕

(1) 小店門口唔顯眼，位於富多來商場出面，正對新九龍廣場，離奧海城只係約5分鐘步程。

(2) 留意各款牛丼每日都為限量，製作需時，想食就要早啲去，亦需要等候10至15分鐘。

(3) 每款丼飯都包含湯、前菜，前菜清新可口，但編輯醒唔起佢叫咩落唔到筆，柴魚湯幾濃味，有豆腐、紫菜，配有湯或熱茶，加$8可配自家製薏米水或黑豆水。

(4) 比較方便係預先打電話預訂菜式。

(5) 甜品有鬆餅、芝士撻、牛乳蛋卷可擇，每款價錢介乎$10至$12。

(6) 建議堂食比較好，除非無位。

---

---

---