[sig_post_pv label=””] 個人瀏覽過
鯉魚門石礦場頹廢感重，近年成為愛攝影同打卡之人嘅熱門影相地，唔少拍拖情侶以至準夫妻都會選擇到舊礦場影吓相，又或拍攝婚照。的確過咗熱潮後，石礦場平時基本人流唔多，環境清靜，加上步行前往石礦場絕對係零難度，兩個人踏青、談心或打吓卡都好適合。
-
-
-
鯉魚門石礦場
由油塘大本型商場或巴士總站步行至逾150年歷史嘅鯉魚門三家村，只需約10至15分鐘步程，而由鯉魚門牌坊步行到天后廟，則再需要10至15分鐘時間，天后廟前有一塊海角潮音石，據悉可增強財運。沿途可以望遼闊海景、鯉魚門燈塔、碼頭風景，海面有一艘艘漁船，配合漁村，構成完美漁村風景畫，而要走入鯉魚門石礦場，就要行入鯉魚門三家村最深處。
-
鯉魚門牌坊 -
鯉魚門三家村碼頭 -
穿過休憩地 -
向海鮮街方向走 -
穿過海鮮街 -
中途有狹隘小巷 -
但去到邊個位都唔怕，因為指示清晰 -
-
-
鯉魚門海鮮街 -
-
-
轉出海鮮街 -
穿過籃球場 -
其實係海濱學校運動場 -
-
破舊波枱 -
前行另一邊重有海鮮街 -
-
經過賽馬會鯉魚門創意館 -
-
繼續走海鱗街 -
沿海旁走 -
-
-
經過鯉魚門籃球場 -
沿途有公廁 -
中途有村民郵箱 -
從天后廟穿過馬背村，不難發現海旁有零星釣魚客，沿狹隘小路可以輕易直入鯉魚門石礦場，只需約5分鐘步程，輕鬆易行。石灘上既有巨形石塊，亦有細小石塊，附近有一座座殘舊石屋。
-
穿過少量民居 -
-
直出海旁位置 -
沿途可見壁畫 -
不時會見到釣魚客 -
壁畫主題同觀塘有關 -
-
-
天后廟對出位置為賞景地方 -
-
海旁
-
天后廟 -
穿過天后廟 -
-
前行有睇相館 -
鯉魚門石礦場指示清晰 -
-
穿過少量民居 -
-
-
沿途有村民種植水果，但謹記唔好採摘 -
-
沿海旁走 -
位置為鯉魚門馬背村 -
-
海旁小步道 -
有手寫指示牌 -
寫明唔好行嘅地方就唔好穿過啦 -
穿過狹隘小巷 -
-
即到鯉魚門石礦場 -
鯉魚門石礦場
鯉魚門三家村舊礦場已經荒廢，早年打石業錯盛極一時，當地人曾以打石為生，精打細琢後，石材會賣到台山、順德，以至歐洲，直到80年代打石業式微，令一個個礦場關閉，至今卻演變為打卡勝地。現時，舊立法會、舊中銀大廈、石板街等建築材料都係來自鯉魚門石礦場。
的而且確，鯉魚門石礦場有唔少Elements適合影吓相，包括荒廢石屋、石牆、削去大半嘅大石山、石樓梯、石灘、綠草如茵嘅大草地、隱秘小叢林等，既充滿頹廢感、荒涼感，亦有少少探險感。
目前，石礦場一隅更出現一道印有梵文嘅西藏式彩旗，旗幟色彩鮮艷奪目，為石礦場點綴，不過暫時未知係咩人將彩旗懸掛於樹椏上。
於海邊石礦場大草地或石堆上坐低，海風清涼，聽吓海浪聲，放空吓，會發現時間恍惚停止，整個人都會放鬆咗。從石礦場眺望，可見對岸筲箕灣、西灣河一帶市景，如果有時間，最好睇埋日落先至走呀！
E.A.Tips :
(1) 從油塘大本型商場、巴士總站步行至鯉魚門避風塘、三家村、舊礦場，腳程約30至40分鐘。
(2) 乘搭小巴路線14C,24綠Van，可以直接去到三家村渡輪碼頭。
(3) 最好做足防曬，著長袖衫褲同波鞋，同時要準備防蚊用品。
(4) 夏天謹記準備充足糧水，以免戶外地方中暑。
(5) 愛護環境，記得自己垃圾自己帶走。
(6) 唔好阻礙他人，勿隨便喧嘩或製造無謂噪音。
(7) 可以從西灣河方向乘搭街渡至鯉魚門三家村碼頭，航程約15分鐘，而西灣河碼頭開放時間為06:00至22:00，西灣河碼頭查詢電話為2513 1103。
(8) 先要經過鯉魚門三家村、鯉魚門牌坊、鯉魚門休憩公園，然後需要穿過天后廟，先可以行入去鯉魚門石礦場。
(9) 於石礦場走入殘破石屋時，要小心個人安全，一來比較離地，二來石屋內有唔少廢棄物，例如鐵枝、碎石。
(10) 到達石礦場前會聽到狗吠聲，有隻大狗，但只要唔好亂走，唔行入村內就得，見到倔頭路指示就唔好前行啦，路段全部都有石礦場指示。
(11) 鯉魚門三家村同對岸鯉魚門海峽、鯉魚門公園及度假村係兩個地方嚟，千其唔好搞錯。
鯉魚門石礦場
衛奕信徑3段
24hours 
