[sig_post_pv label=””] 個人瀏覽過
隱藏於大角嘴一隅嘅泰式餐館，表面完全毫不起眼，於網上搜尋吓，不難發現提及呢間小店嘅平台唔多，但事實上餐廳由泰國人主理，值得拍拖兩個人去食吓嘢。
門口僅有泰國象為標誌，中文、英文、泰文名都有，驟眼睇未必知道店內菜式係香港人定泰國人煮，要步入店內先會知道老闆娘係泰國人。
除咗菠蘿粉飯、金邊粉，泰國美食之一嘅重有濕炒河粉$65，可以挑選牛肉或雞肉，外賣甚細心，醬汁同河粉分隔，唔會將河粉浸軟，而牛肉肉絲依附於醬汁同配菜內，只需將河份加入醬汁就得。無論河粉定醬汁都份量充足，一定飽肚，醬汁味濃，質感黏滑，河粉順滑，配菜爽口，的確係有水準。不過，雖然同樣價錢，海南雞飯$65 相對濕炒牛河比較遜色，雞肉較嚡口，油飯稍淡，但算可以醫肚，皆因份量的確好多。
凍泰式奶茶$20、凍泰式紅茶$20 都為泰式飲品，奶茶香甜味較重，紅茶甜味則較輕，不過奶茶嘅茶味又比紅茶濃郁醇厚，茶底有水準。
E.A.Tips﹕
(1) 位置靠近餃子店，於中匯街小巴站對面。
(2) 門口有$8/包蝦片，可以一試。
極品泰國菜館
大角嘴中匯街16號中美樓地下29號舖 
12:00 – 22:30 
5303 3325
在〈泰國人主理！大角嘴正宗泰國菜館 濕炒河粉黏滑可口份量充足〉中有 1 則留言
留言功能已關閉。