2021-09-19

大角嘴角落手打烏冬專門店 經濟型街坊價定食有乜揀?

東京手打烏冬專門店

個人瀏覽過





位於大角嘴嘅東京手打烏冬專門店,講到明主打係手打烏冬,手打烏冬店的確比拉麵店少,呢間價錢幾親民,每款以街坊價,拍拖兩個人去都會覺得係經濟型嘅選擇。

室內環境舒適,地方格局夠寬敞,加上大窗令室內可透入自然光,唔會太昏暗。菜式上各有4款刺身壽司定食、手打烏冬定食,亦有10款料理定食可擇。

汁燒牛肉手打烏冬定食$53 有前菜中華沙律、2件加州卷嘅卷物、汁燒牛肉手打烏冬,同樣可揀日式清湯或豬骨濃湯。手打烏冬麵條的確爽滑彈牙,並非軟身,反而係粗身有咬口,但有幾分似超市嗰種手打烏冬。湯底較清淡,但突出汁燒牛肉嘅濃香味,汁燒牛肉醬汁不俗,牛肉份量唔少,有預先預香過,只係牛肉質感稍為老。清淡豬骨濃湯配上濃郁牛肉汁會比較好,白滑烏冬同時撞上牛味、豬骨味,略略掛汁,稍有火花。

      

鮮之優選什錦壽司定食$65 包含前菜、手打烏冬、8款壽司,有三文魚、吞拿魚、甜蝦、八爪魚、帶子、北寄貝、卷物,湯烏冬可揀日式清湯或豬骨湯。刺身壽司幾新鮮,壽司飯大小適中,刺身唔算薄切,三文魚、吞拿魚肥美厚肉,甜蝦亦為有頭甜蝦,好鮮甜,選擇困難症嘅人可以揀刺身壽司,配上日式Wasabi芥辣都算係不敗之選。由於壽司為主,所以豬骨湯手打烏冬大小份量比前者細一至兩倍,湯底原本味道比較明顯,豬骨味較弱,配合粟米、海藻似雜錦烏冬。


E.A.Tips﹕

(1) 位置於杉樹街、埃華街交界。

(2) 下午茶僅於平日下晝有得食,Weekend係無嘅。


東京手打烏冬專門店

大角嘴櫸樹街88號奧柏‧御峯地下G11&G12號舖
11:30 – 22:00
2994 1128

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook啦!
ΔPlease Like & Follow & Subscribe /
歡迎讚好、追蹤、訂閱

       

銅鑼灣推限定二人套餐 人氣店燈籠滷味啖啖台北夜市風味
靠近石板潭!本地鳳眼藍9月再盛放 鹿頸南涌魚塘角落零距離觀賞浪漫紫花海【2021賞花地圖】
Bauhaus風格豈止中環街市? 中上環博覽館活化必列啫士街街市 直上半山探索童話式大宅
盛夏Kayaking!西貢海灣3條路線出發獨木舟 小島玻璃水清澈見底 探索海洋生態享異國風靚景
筲箕灣東大街平民價正宗泰國菜 冬蔭公湯底濃郁可口 蝦醬炒飯惹味有驚喜
深井村西式咖啡店只限7月?All Day Breakfast 配料自選 罕見櫻花蝦炒蛋+熱香餅有新鮮感
深水埗基隆街泰北麵口味正宗 家鄉湯底香口惹味恍如穿越泰國
【中秋好去處2021】大澳水鄉花燈節取消開幕儀式 走勻大街小巷尋幻彩手繪燈籠 同場加映元朗大橋街市五彩燈籠街+灣仔利東街紅噹噹燈籠海
光屋係乜東東?深井村歷史文化半日遊 農村變工業邨再變住宅地 探索舊式工廠+廢校牌坊
九十後部落觀塘新分店開業 懶人週末悠閒上樓歎All Day Breakfast
夏日去邊個沙灘?粉藍情人橋重開打卡地再現 石澳盡頭闖大頭洲回望小漁村尋靚景
連影193燈塔+日系碼頭唯美暮色!西貢海鮮街徒步三星灣路線 泳灘碧綠玻璃水清澈見底
大角嘴街角星馬菜餐廳 大大塊厚切豬扒上枱就聞到香味 最出色唔係菜式係乜?
尖沙嘴鬧市藏港版粉紅教堂 哥德式設計逾百年歷史 尖頂似浪漫童話古堡
中環半山藏薄荷綠摩羅廟 全港最古老清真寺被列一級歷史建築
【西藏偽旅行】五彩經幡隨風飄揚 山上滿佈彩旗寓意吉祥?

撰文﹕Miss A ;攝影﹕Mr E, Miss A;設計﹕Mr E

View all posts by 撰文﹕Miss A ;攝影﹕Mr E, Miss A;設計﹕Mr E →