澳門黑沙龍爪角海岸徑
兩個人旅吓行

澳門黑沙龍爪角海岸徑隱世天然靚景 天涯海角似風景畫



黑沙龍爪角海岸徑位於路環黑沙龍爪角海岸,由黑沙海濱馬路可行到竹灣別墅群,長1200米。風景優美,沿路除咗適合兩個人散步,仲可以拍拖睇天然風景,包括奇岩異石、海岸生態、海邊翱翔嘅海鳥。

路線方面可以由黑沙海灘行過嚟,步程不遠,沿堤邊行,見黃色岩石,行幾分鐘就到。呢條雖然係步行徑,但好有天涯海角Feel,拍拖嚟散步就好適合。

龍爪角海岸徑不時有啲釣魚客同散步嘅人,仲有一堆黃色嘅標誌岩石,形狀雖奇特,但紋理分明,似畫筆畫出嚟一樣,加上海風同海浪,仿如雕塑畫。

除咗黃色岩石,仲可睇到湛藍海洋,加上蔚藍天空,十足十一幅風景畫。

一路沿海邊行,會逐漸見到延伸去海中央嘅小涼亭,可以喺度吹吹風,幾chill呢!

真係估唔到澳門都有咁獨特咁天然嘅風景,同市區五光十色繁華景象恰好相反,山海連成一線,像人間天堂一樣。

黑沙龍爪角海岸徑

地址﹕澳門黑沙龍爪角海濱路(注意﹕可於黑沙龍爪角海濱路入,於竹灣豪園側出,沿海濱馬路行約5至10mins即達入口)
開放時間﹕24hours
電話﹕+853 2888 0087

交通﹕巴士15/21A/26A/N3(注意﹕海蘭花苑站落車)

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!