澳門路環黑沙海灘
兩個人旅吓行

澳門黑沙海灘 天然黝黑細沙勁Natural!



由路環市中心再去偏啲,兩個人可以搭車去遠啲嘅路環黑沙海灘,風景更加靚,拍拖沿海散步好舒服。

路環喺氹仔島最底位置,喺路環島東面,不過搭巴士都可以到,位置嚟講絕對遠離煩囂,風景嚟講真係一個澳門後花園,似足澳門版嘅天涯海角一樣!

黑沙海灘係一個天然海灘,海灣呈半月狀,沙粒為獨特黑色,黝黑嘅沙粒相當細滑。據悉有兩種說法,一種係因為海綠石沖上岸變成黑色沙粒,另一種係因為火山爆發後海底泥土同熔岩相溶後變成黑沙。

海灘地勢較平,沙灘幾遼闊,岸邊有青翠人工松林。至於水質亦好乾淨清澈,沙粒唔刺腳。

影相時將蔚藍天空同湛藍海水同黑沙同時攝下,超靚!夏天可以玩水上活動,冬天可以喺海邊散步,感覺勁Chill,得閒Relax吓好爽!

路環黑沙海灘

地址﹕路環東南方
開放時間﹕5月至10月10:00 – 18:00(週日09:00 – 18:00)有救生員當值

交通﹕巴士26A/N3

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!