澳門可口可樂博物館
兩個人旅吓行

可樂迷召喚!澳門Coca-Cola博物館超多收藏品



澳門Coca-Cola博物館係一個可樂迷一定鍾意嘅地方,因為室內全部都係可口可樂,一於拍拖去買支可樂Sweet住飲啦!

呢個小型博物館雖然只開放地面一層,但入面有好多可口可樂嘅收藏品,仲有入面超巨型可樂玻璃樽同門口可樂牆呢啲打卡位。

主要由澳門可口可樂收藏俱樂部管理,入面有林林總總可樂樽、可樂罐,甚至懷舊海報壁畫相片同玩具精品等,好多都係特別版,好難搵到,嚟呢度可以重溫一下呢,其他如單車、點唱機、迷你售賣機都有。

入到嚟當然要買返支可樂啦,價錢由8至20蚊不等,本來想試越南咖啡味可口可樂,可惜無晒,唯有下次有機會再試。兩個人試咗cherry味可口可樂,味道有啲怪,似藥水味,都係普通支裝可口可樂最爽最好飲。

澳門可口可樂博物館

地址﹕澳門關前後街26號
開放時間﹕12:00 – 17:00
免費入場

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!