鴨脷洲公園八重櫻無憂花蒲桃
2021賞花地圖,  兩個人影吓相,  港島

【2021賞花地圖】鴨脷洲海旁14棵八重櫻綻放 粉嫩花海放題任打卡

瀏覽次數:399
個人瀏覽過





踏入3月下旬,以為已經無櫻花睇?事實上,大多數本地櫻花已經開花,甚至過咗花期,已經凋謝,重想睇櫻花嘅你,不妨兩個人去鴨脷洲行吓,皆因海旁重有櫻花正盛放當中,合共約有14棵八重櫻,一棵又一棵,形成花海,拍拖睇睇都幾浪漫㗎!

今次八重櫻於鴨脷洲公園盛開,由鴨脷洲大街或街渡碼頭步行而至,腳程僅5分鐘,非常方便。短時間內吸引唔少惜花之人,以致人流大增,記者現場所見每段人流都唔少,不過進入拍攝的人以中年人士比年輕人士多幾倍,唔少都係企前面展示V字手勢打卡嘅人,到底現時進園內賞花嘅人,係真惜花定只係為咗打個卡,無從判斷。



粉粉嫩嫩的八重櫻遍佈鴨脷洲風之塔公園,一棵棵櫻花包圍公園,嬌艷八重櫻婀娜多姿,係近期情侶拍拖打卡熱點。而八重櫻花期亦係3至4月開花,花期唔長,目前鴨脷洲公園櫻花已燦爛開花,配合旁邊白塔更有外地旅行賞櫻感覺。

八重櫻係櫻花一種,屬重瓣櫻花,品種多,一般於關山、普賢象、八重紅枝垂等盛開,花瓣細密而多,狀似菊花,故被稱為菊櫻。事實上,八重櫻嘅八重即係有超越五枚花瓣,而八重櫻花期比其他櫻花稍遲,比如遲過吉野櫻。

鴨脷洲公園內除咗八重櫻,亦有其他花朵,比如橙調無憂花、黃調蒲桃,色澤亮麗搶眼,毫不失色。忘憂花介乎橙紅至橙黃,無花瓣,有四片花瓣,較扁平,原產自卯度、中南半島等地。有傳忘憂花同佛教有關,因釋迦牟尼誕於忘憂樹下,故被稱為佛教聖樹。至於蒲桃,同葡萄同音,原產自東南亞,被泰國稱為古代蓮霧,介乎淡黃至淡綠色,花期為3至4月,大多生長於近水流嘅濕潤地方。


E.A.Tips :

(1) 可以由香港仔乘搭街渡到鴨脷洲,每程船$2.5,2分鐘就到;乘搭巴士路線90, 90B, 90C, 91, 91A, 92, 95, 99, 171, 590A, 592, 595, 671、小巴路線27, 29, 29A, 36, 36X, 37, 37A 都可到達鴨脷洲。

(2) 疫情期間,目前有人流管制措施,需分段入場,每段大概有10至15分鐘。

(3) 園內不時有惡蚊,要做足防蚊措施。

(4) 影相還影相,要守秩序,唔好爭位,都係嗰句,識影相企邊都影到靚相,唔識影相霸靚位都唔會影到靚相。

(5) 愛惜花草,唔好採摘或破壞花卉。

(6) 保持安靜,勿喧嘩吵鬧。

(7) 謹記自己垃圾自己帶走。


鴨脷洲公園

鴨脷洲鴨脷洲大街
07:00–23:00
2555 0103

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】黃大仙近30年騎呢《西遊記》公園野餐 本土自家製熱狗店推分店限定優惠
大圍舊式茶樓客香邨現已恢復24小時營業 火鍋店616班底接手保留經典糯米包/魚翅餃
非來自台灣?本土製牛肉麵旺角/長沙灣有得食 外賣自取折後$50有找
近屯門碼頭!屯門蝴蝶灣泰國冬蔭功蝦湯奶白變橙紅 估吓一碗有幾多隻蝦?
鑽石山出發勇闖石礦場!山中秘道探索高聳東南亞樹屋 上中下三條路線直抵城市後山入口
【野餐隨行】登紅燈山觀九龍半島!何文田勝利道姊妹店廚房打通 兄弟邦x鮮丼家一舖兩用賣日式丼飯
太子人氣車仔麵湯底鹵汁混腩汁 16款麵底任揀必試低卡蒟蒻麵
薄扶林榕樹小徑驚現獨特樹洞仙境!一條路線走過殖民建築玫瑰邨+歷史古蹟伯大尼教堂/舊牛奶公司牧場
「食街」搵食遊!西貢巷弄7間夏日必去本土小食店 離碼頭僅2分鐘步程
全港7間兩餸飯專門店良心地圖!港九新界遍地開花間間平靚正低至$32!(最新消息﹕5月鰂魚涌有新店)
近天澤商場!天水圍後山矮過嘉頓山 秘道闖淋坑山賞北方黃昏景【野餐隨行】
【野餐隨行】鴨脷洲海邊歎有料車仔麵 前臨南區純白燈塔眺東博寮海峽3支煙囪 30分鐘輕鬆走完小玉桂山
月前旺角設分店齊齊叫雞!上水鳳鳴居足料無味精雞湯麵濃郁可口 醉雞嫩滑+10款湯底回頭率極高
油麻地香噴噴鐵板魷魚鬚惹人垂涎 廟街招牌流心芝士玉子燒香甜不膩
【野餐隨行】落雨有瓦遮頭!西灣河隱藏式街坊小廚 碼頭海旁公園野餐賞雨景
柴灣街坊風味酸辣粉現小重慶 分5種辣度微辣BB辣溫和易入口