佐敦谷公園 秘路 宮粉羊蹄甲

【2021賞花地圖】佐敦谷公園杜鵑花開花 神秘小路攝宮粉羊蹄甲和風味濃

[sig_post_pv label=”瀏覽:”]



佐敦谷公園擁兩片大草地,係著名嘅野餐好去處,今年公園內嘅有18區花圃,亦可觀賞其他花卉,包括有靠近大草地嘅簕杜鵑花,重有位置神秘嘅宮粉羊蹄甲,後者人跡罕至,拍攝時充滿和風味道,狀似櫻花地,有別於一般地點,相當浪漫,值得兩個人拍拖影吓相!

為觀塘區內面積最大嘅公園,佐敦谷公園向來甚受歡迎,尤其係秋季野餐地,初春時份,園內長滿花卉,吸引唔少人賞花打卡。公園內嘅簕杜鵑花就係其中一種花卉,簕杜鵑花攀附生長,目前甚茂盛,簕杜鵑花包含三片苞片,苞片中嘅花芯先係花朵,苞片如紙薄,被叫Paper Flower,即紙花。



最特別嘅係,公園有有黃色嘅簕杜鵑,比紫紅色嘅簕杜鵑更清雅,可惜黃色比紫紅色嘅數量較少,絕對係美中不足。香港叫簕杜鵑花,台灣叫九重葛,大陸叫三角梅,係中國廈門市花,紫紅色的確名副其實。

另一邊廂,一排宮粉羊蹄甲亦正綻放中,花期為3至5月,樹高8至10米,宮粉羊蹄甲有5片花瓣,呈粉紅、淡紫色,偶有深紫色條紋,帶些微香味,一般於暖和天氣下生長,遠睇有幾分似同樣粉色嘅櫻花,事有湊巧,宮粉羊蹄甲亦被稱為印度櫻花、南洋櫻花。


E.A.Tips :

(1) 從彩虹出發可乘搭巴士路線27,29M,到順利消防區落車,從觀塘出發可乘搭巴士路線23號。

(2) 簕杜鵑花花期大概係兩個星期,要賞花打卡就要趁早啦!

(3) 賞花還賞花,謹記保持安靜,同時勿亂扔垃圾。

(4) 宮粉羊蹄甲位置於南門出口,沿左邊小山路走,一直向山路行,會見到右邊下方有茶寮之類小檔口,沿山路樓梯下行,轉左,沿路直行可以去返石屎路,轉上去小路可以見到清靜嘅宮粉羊蹄甲路段,可以望到上面係佐敦谷公園。再繼續沿路向下走,可從小路走出佐敦谷公園,直達順利邨道。

(5) 宮粉羊蹄甲位置多惡蚊,要小心留意。


(6)簕杜鵑花莖上帶有刺,所以叫簕杜鵑花,要小心安全。

(7) 賞花用眼睇,謹記唔好觸摸或採摘花朵。


佐敦谷公園

九龍觀塘區四順新清水灣道71號
05:00 – 23:00
2342 2241

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!