2月 沙田 櫻花 (率先睇!)

【2021賞花地圖】2月櫻花率先睇! 沙田單車路富士櫻驚喜開花

[sig_post_pv label=”瀏覽:”]





櫻花開花啦!天氣日漸暖和,意味將踏入春天,而春季亦係賞花嘅好日子,拍拖睇櫻花極浪漫,今年疫情持續一年,本地人仍然未能到外地旅遊,外地櫻花就無份睇,帶大家兩個人睇睇本地櫻花先啦!

今年賞花地圖頭炮係沙田,10棵富士櫻搶先於2月農曆新年期間開花,大概係全球暖化問題,令櫻花由原先2至3月開花,提早於2月中旬開花。櫻花預先開花,未知會否提醒我哋要正視全球暖化嘅問題呢?

富士櫻係櫻花嘅一種,亦屬薔薇科,同鐘花櫻桃、日本山櫻同種,為原生日本山櫻同台灣山櫻雜交種,最出名生長於富士山、箱根近邊,所以被稱為富士櫻或箱根櫻。而富士櫻亦叫豆櫻,皆因櫻花較小,樹身體積、佔地都較細小,高度亦偏矮。

今次櫻花色調偏向粉紅、淡紅,有5枚單瓣,呈覆瓦狀,粉嫩狀態似足少女舉手投足般,10棵櫻花樹排列整齊,分開擺放,未能形成花海效果,不過仍然吸引唔少居民或單車友駐足。




E.A.Tips :

(1) 乘搭巴士路線40X,43S,43X,81C,82C, 84M,85K,85X,86C,86K, 86S,87D,89C,263A,286C, 287D,299X,680,682A, 41P,N42,N281,N287,N680,NA40 都可到達沙田石門濱景花園。

(2) 由京瑞廣場一期或二期步行到櫻花位置,約10分鐘步程。

(3) 櫻花位置大概靠近碧濤花園,會經過濱景花園、翠湖花園,位於安景街公園之內,單車路旁邊。

(4) 櫻花樹雖有竹竿支撐,謹記要愛惜櫻花樹,唔好破壞,櫻花係用眼睇,用相機拍攝,唔係用手睇,影相時要避免接觸櫻花樹。


(5) 賞花打卡在所難免,但其實櫻花樹面積比較細小,拍攝人像效果唔太好,比較適合拍攝純櫻花照。

(6) 附近為住宅地方,謹記唔好喧嘩影響他人,同時唔好遺留任何垃圾。

(7) 櫻花開花期甚短,一至兩星期就會完結,所以要盡快去睇啦!


安景街公園

沙田安景街23號
24hours

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


在〈【2021賞花地圖】2月櫻花率先睇! 沙田單車路富士櫻驚喜開花〉中有 1 則留言

留言功能已關閉。