疫情延續，政府之前唔俾外出堂食，上個月適逢2月14日情人節，唔少人同另一半慶祝都奇招盡出，連街邊食飯都有。今日係3月14日白色情人節，雖然可以出街堂食，但限制多多，倒不如留喺屋企啦！小編今次就講吓點樣喺疫情下在家都可以有不一樣用餐體驗，只要少少巧妙變化，小小枱面都會隨時有餐廳感覺，屋企都可以似足餐廳一樣，日日都可以係情人節呀！
（1）佈置篇
先從環境入手，可以利用燈飾增加氣氛，並且使用爉燭等用途，不過謹記注意要用安全方法點燈。亦可善用戶外光線，將餐枱移到靠近大窗位置，營造偌大窗戶效果，令整體感覺似餐廳近窗座位。
而二人枱可以利用特別間隔，感受不一樣嘅環境，枱面可使用神奇嘅枱布，將餐枱搖身一變成為餐廳，格仔枱布就比較易襯。拍拖情侶兩個人甚至可以換上在外用餐衣著，會更有餐廳堂食效果。
另外，如果播放吓背景音樂，可提升環境融合感，甚至於家中放置適當相片，營造外地感覺。
（2）餐具篇
餐枱上，可放上靚靚打卡餐具，增添在家用餐變化，最好選擇合適餐具，再配搭出合適場所。
（3）煮食用具篇
至於煮食用具，可善用家中本來存在嘅器材，分分鐘會有意想不到嘅效果。
（4）用餐篇
留意用餐禮儀，兩個人應以在外用餐模式進餐，模擬返餐廳環境，樣樣做足，更可提升整體感覺，更可以當學習。
（5）食物篇
更重要係食物擺盤重要度，謹記輸人唔好輸陣，就算普通一罐罐頭，或者係從良心小店外賣返嚟嘅食物，其實只要擺盤擺得靚，心理上都會覺得碟嘢好味啲。
至於點樣先可以營造好效果？要有打卡效果，的確需要擺盤技巧，例如從大小素材、顏色配搭、層次感去擺盤。
（6）氣味篇
用餐時，不妨利用香薰、蠟燭配搭，營造更舒適嘅用餐環境。
