2021-03-02

年三十行花市! 全港3個本地最黃年宵市集

3個最黃年宵市集


2021農曆新年就到,去邊度年宵好?本地人一定要揀返啱自己行嘅年宵市場,適逢年三十,小編預祝大家新年快樂,順便為大家推介最黃嘅3個年宵市場,各個本地年宵嘅共同願望係「招財進寶」反轉再反轉,兩個人拍拖行年宵記得要識揀啦!

(1)銅鑼灣﹕奔墟 WeConnectMall

位於銅鑼灣嘅奔墟年宵,勁撐本土良心經濟圈,為本地新型市集,奔墟市集門口有本地漫畫家林祥焜嘅廣告板,本身只搞星期五、六、日,年宵就搞足2月5至11日,有過百間本地攤位小店,場內分為手作市集區、香港製造、外國產品、文化書籍等,場內勁自由,但係唯一需要購票入場嘅年宵市集。

開放日期﹕2021年2月5日至2021年2月11日
開放時間﹕每日中午12:00 – 22:00(10hours)
詳細地址﹕銅鑼灣波斯富街108至120號寶榮大樓地下1/F及2/F
入場費﹕每位$20
主辦方﹕Facebook官網

(2)旺角﹕旺角市集.夠薑媒體 x #SkyOne

處於旺角鬧市嘅旺角市集,由天八一號 SkyOne同夠薑媒體聯乘,場內有逾8000呎空間,為最方便本地人嘅市集,皆因門口正對朗豪坊,位置上非常方便。場內會分為Zone A、B、C,Zone A靠近前莎莎店門口,Zone B、C就靠近前屈臣氏門口,兩者中間為MPM商場入口扶手電梯,入口同樣位於砵蘭街。

開放日期﹕2021年2月5日至2021年2月14日
開放時間﹕12:00 – 22:00
詳細地址﹕旺角砵蘭街240號MPM商場地下及1樓(朗豪坊對面,前屈臣氏G/F + 1/F及莎莎地舖G/F)
主辦方﹕天八一號 SkyOne,由夠薑媒體協辦

(3)荔枝角﹕白紙市集 – 香城年宵 2.0 / 大樹市集

荔枝角D2 Place每年都會搞年宵市集,今年亦唔例外,場內分為A、B、C、D區,A區為D2 一期天台,而B區為D2 一期2樓 (The Space),C區為D2 二期地下(The Garage)、至於D區則為D2 二期3樓 (Powerplay Arena)。另外,D2 Place內更有大樹市集,位置同樣喺D2 Place

開放日期﹕2021年2月6至2021年2月15日
開放時間:14:00 – 22:00 (2月6至2月10日) 、14:00 – 01:00 (2月11日)、13:00 – 20:00 (2月12至2月15日)
地點:D2 Place一期2樓The Space及天台花園、D2 Place二期地下The Garage及 3樓PowerPlay Arena
主辦方﹕Facebook官網
E.A.Tips﹕D2 Place另有大樹市集,位於荔枝角大樹先生1號店,地址為荔枝角長順街15號D2 Place TWO 1樓。

小編講吓嘢:
以市集嚟講,最精彩一定係銅鑼灣市集,兩層樓內匯聚眾多手作攤位,雖然要俾$20入場費,但總算值得行吓,不過夜晚會唔會好多人就唔清楚啦,皆因場內無人流管制,而且無冷氣,只有中午至下午唔多人嘅情況先行得舒服。

而旺角市集就係三個當中最平凡嘅一個市集,雖然分成兩層,但實際上手作攤位唔多,不過最大優點係交通方便,行到幾夜都無問題,而小編有一段小插曲,本來想影市集內嘅相,但被工作人員制止,並要求刪除相片,不過都唔好意思,我哋又真係無咁嘅人氣同條件去要求預先做採訪嘅,只能夠以普通人角度去做,事實上唔俾影相避免有心人看圖作文都情有可原。

至於荔枝角市集就係正式商場市集,每年都有黃市集,亦比較安全,手作攤位最中規中矩,由於空間最細,人流亦顯得較多,所以會相對比較逼夾,幾個zone都需要排隊入場,不過附近係工業區,被突襲封區嘅機會較低。而荔枝角除咗香城白紙市集,重隱藏咗一個大樹市集,人流比較少,亦唔需要排隊,想慳時間不妨去另一邊行吓啦!


E.A.Tips﹕

(1)謹記保持秩序,唔好插隊。
(2)唔好將垃圾留於市集場內,最好自己帶走。
(3)要識尊重市集小攤檔同其他客人,否則唔好入場。
(4)保持衛生態度,繼續抗疫,做好自己。


Please Like & Follow & Subscribe /
歡迎讚好、追蹤、訂閱