2021-07-24

Menu日日唔同款! 荔枝角全新角落咖啡店午餐激有份量

荔枝角 HaveAGoodDay


Have A Good Day

荔枝角返工嘅朋友有福了!原來喺大角嘴嘅咖啡店Have A Good Day,目前喺荔枝角重開,今次選址工業區地段,方便該區返工嘅朋友。每份套餐價錢維持約$50,而且一星期5日各有7款唔同菜式,絕對有新鮮感,唔會咁易食到悶!

餐廳屬工商廈內嘅地舖,樓底特高,以簡約風格為主,正對偌大窗戶,既可延伸空間,又可方便採天然光,以開放式設計直接利用該優勢,加上純白、木系裝潢,令空間添上幾分文青悠閒感覺,無論拍拖談心定同閨蜜Tea吓都係好選擇。

是日挑選名字上超特別嘅生氣的血腥瑪莉汁鴨胸意粉,一份套餐可配搭餐湯或迷你沙律,是日餐湯係忌廉粟米湯,有粒粒粟米之餘,亦並非味精湯,質感濃滑,夠細緻,又可以再加飲品,性價比幾高。醬汁非常特別,以橙紅色為主調,好搶眼,既有微微辛辣味,又有酸甜味,大概係蕃茄酸甜味,第一啖意粉入口唔辣,但會愈食愈辣,辣味唔算太重,反而有種刺激感,辣香味令整體感覺幾香口。而意粉順滑有彈性,軟硬適中,微辣中帶酸甜味,夠掛汁。配菜既有鴨胸,又有蘑菇、洋蔥等,份量唔少,鴨胸唔係得2、3舊,肉質亦軟腍,幾有誠意。

記者特別推介嘅係貝果牛油果、煙三文魚,Bagel睇落輕巧,但實際上好豐富,份量十足,餡料多多,感覺有半個牛油果同4、5塊煙三文魚,仲有一堆淋上芝麻醬嘅沙律菜,翠綠色澤幾新鮮,可清新味蕾。貝果入口勁煙韌,表面有芝麻點綴,芝麻香亦傳到貝果內,軟綿綿質感嘅牛油果好Creamy,夠晒新鮮,同時令貝果好飽滿,連煙三文魚都有份量,賣相一流。不過,最惹味嘅係貝果內添加cream cheese,入口似yogurt,味道唔會膩,但有香口感覺,既可滿足味蕾,又可保持健康狀態。

咖啡店必飲嘅係咖啡,挑選咗榛子拿鐵,不過記者認為咖啡除咗順滑同拉花吸睛,奶泡雖厚,但打得唔太好,味道就唔太突出,反而青BB梳打更出色,套餐加$20可以試一試。梳打內包含青提、青蘋果、薄荷、青檸,店員特別提到青提醬係自行調校出嚟。睇睇最底除咗有些微青提醬,仲有粒粒真提子,最頂有薄荷葉、青檸,薄荷味道好搶,勁Fresh,只有青蘋果唔太突出,青提醬略帶甜味,透心涼之餘亦好爽甜,有種小清新感。

E.A.Tips﹕

(1)留意營業時間,星期六只得半晝,星期日唔開門。

(2)女仔嘅話,兩個人Share一碟意粉同一個Bagel的確已經足夠飽肚,套餐連嘢飲,人均可以控制喺五、六十蚊。

(3)梳打最好攪勻先飲,避免甜味唔均勻。

(4)建議坐最出邊高櫈座位,影相會更靚。

(5)基本上星期一至五有Regular Menu,每日有7款唔同款式,而星期六就有Special Menu,同平日有少少分別。

延伸閱讀﹕隱藏版荔枝角公園 驚現《愛麗絲夢遊仙境》小秘景

Have A Good Day

荔枝角青山道483A號卓匯中心地舖
星期一至五 08:00 – 18:00;星期六 08:00 – 14:30;星期日休息
9545 7040

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook啦!
ΔPlease Like & Follow & Subscribe /
歡迎讚好、追蹤、訂閱

       

消失的「萬壽無疆」? 旺角懷舊東方色彩工業風咖啡店五金味重
入場有限制!大埔慈山寺偽旅行驚現仿日本神社御手洗 必睇全球第2高巨型純白觀音像
瞰鋼線灣景色!穿梭山頂至薄扶林水塘尋港版《千與千尋》場景 新哥德式風格大學堂/伯大尼教堂打卡 薄扶林村都有秘地?
離奧海城僅3分鐘步程!大角嘴全新街坊早餐店 每日啡一啡飽肚套餐$40有找
西貢驚現地下鐵路站!全新牛肉小食店毗鄰碼頭 驚喜酥脆炸麵+5款口味Shake Shake薯條
環瞰270度全海景添情調! 北角海逸君綽酒店歎限定龍蝦主題四重奏下午茶
大埔廣福道新開業壽司店歎高水準午市定食 新鮮刺身生蠔都有「良鮨」
「東方威尼斯」水鄉小島賞無遮擋醉人日落 大澳珍珠形寶珠潭藏海星紅蟹仔 迆遊虎山浪漫紅木橋打卡
商場舖搬街邊舖!元朗巷弄爆辣冷麵海量芫荽 6級辣度你試到第幾級?
文青Cafe?大排檔? 沙田逾60年雲吞麵老店一度告急
勇闖港版吳哥窟尋大潭廢堡「天空之城」 20分鐘輕鬆折返赤柱沙灘
上水安圃村季夏搶眼小黃菊花海 原野羊群恍如港版清境農場 直闖日式藤原豆腐店打卡兼遊新田魚塘觀鳥睇日落【2021賞花地圖】
每日只做5款主食! 大角嘴商場限量日本牛丼 沖繩小島料理心機爆滿
大角嘴街坊海南雞秘店 低調泰式雞飯2個版本4種口味
九龍灣商場尋寶 最平$3/件壽司 經濟型必揀平價丼飯
西貢小黃屋前身係村校? 1小時遊客家小島鹽田梓 15分鐘船程訪碩果僅存曬鹽場