2021-09-23

過江龍沾麵名店大勝軒 限定沙白蜆鯛魚湯拉麵係鮮味定鹹味?

大勝軒丸一


去唔到日本旅行,唯有兩個人喺香港搵吓啲過江龍食店止止癮先啦,靠近太古城嘅大勝軒丸一就係一間登陸香港已一段時間嘅沾麵名店,款式多多,沾麵迷一定有食過!最近仲推出一款以鮮味為主嘅期間限定沙白蜆拉麵,到底新嘢好食啲,定傳統嘢好食啲呢?

各款沾麵湯底有10幾款任君選擇,始創人田中榮一係沾麵始祖山岸一雄入室弟子,太古分店屬日本海外分店,既有沾麵亦有拉麵提供。每款拉麵或沾麵都可選擇熱上定冷上、200g定250g份量嘅麵條,甚至多蔥、少蔥定走蔥等,最平$68有一碗沾麵,250g拍拖一齊食都足夠。

不過$68嘅沾麵係無日式叉燒,想食埋一塊日式叉燒就要揀特製沾麵 $95或辛製沾麵 $78,叉燒大塊而薄切,肉質尚算嫩滑,肥瘦適中,唔會太柴,味蛋有溏心感,紫菜帶鹹香味,湯底屬正常水準,不過不失,幾濃稠,入口唔太鹹,配料有筍、蔥等。麵質微微煙韌,尚算爽口彈牙,偏粗,可以掛湯,浸耐啲沾汁會更入味,只係麵條本身香味不足。

最大驚喜反而係平時好少見到有嘅咖哩沾麵 $75,一般沾麵揀凍食,但咖哩就揀熱食會較好,咖哩味好香濃,麵條掛起沾汁更惹味,咖哩湯略帶微辣,最尾加湯亦好夠味。

另小食加一杯至兩杯酒類飲品全Set為$48至68,今次小編有朋友試咗煎餃子、啤酒、威士忌梳打High Ball,鍾意飲酒嘅朋友會幾抵飲,餃子表皮尚薄,亦煎得幾香脆,幾足料同飽滿,豬肉饀料亦有肉汁。

最近嘅期間限定係沙白蜆鯛魚湯拉麵 $85,碗內有5隻沙白蜆,唔大唔細,幾爽甜,而麵質似乎配沾麵好過拉麵。雖然呢間拉麵店嘅湯底係聲稱日本直送,但湯底第一啖尚算似有海鮮味,期後再飲就愈飲愈鹹,鯛魚湯味道唔突出,飲落似死鹹味,並非海鮮嗰種鮮甜味,比較失望,絕對係理想與現實質素。

E.A.Tips﹕

(1)湯底凍得較快,有需要可能要叫店員加熱。

(2)上菜時間較長,要等候15分鐘左右。

(3)餐廳菜式亦可以選擇外賣自取。

延伸閱讀﹕熱石沾麵消失? 人氣店麵屋哲偷偷回歸 進駐荃灣驚安之殿堂Food Court

延伸閱讀﹕荃灣小店隱藏暗巷 3款正宗沾麵有驚喜

延伸閱讀﹕大阪過江龍人氣拉麵店抵港 全港獨有鯛魚湯

大勝軒丸一

太古太豐路3號星輝台金星閣G1018號舖
11:30 – 22:00
2562 3200

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook啦!

ΔPlease Like & Follow & Subscribe /
歡迎讚好、追蹤、訂閱


信和隔離!旺角樓上咖啡店舖滿土耳其民族風Halı 摩洛哥彩繪玻璃吊燈搶眼任打卡
太子樓上悠閒咖啡室神秘蒲點 超驚喜法式肉凍+煙韌麻糬窩夫
【中秋好去處】全港10個另類戶外賞月好地方 近市區環境清靜交通方便最啱談心
銅鑼灣推限定二人套餐 人氣店燈籠滷味啖啖台北夜市風味
靠近石板潭!本地鳳眼藍9月再盛放 鹿頸南涌魚塘角落零距離觀賞浪漫紫花海【2021賞花地圖】
Bauhaus風格豈止中環街市? 中上環博覽館活化必列啫士街街市 直上半山探索童話式大宅
盛夏Kayaking!西貢海灣3條路線出發獨木舟 小島玻璃水清澈見底 探索海洋生態享異國風靚景
筲箕灣東大街平民價正宗泰國菜 冬蔭公湯底濃郁可口 蝦醬炒飯惹味有驚喜
深井村西式咖啡店只限7月?All Day Breakfast 配料自選 罕見櫻花蝦炒蛋+熱香餅有新鮮感
深水埗基隆街泰北麵口味正宗 家鄉湯底香口惹味恍如穿越泰國
【中秋好去處2021】大澳水鄉花燈節取消開幕儀式 走勻大街小巷尋幻彩手繪燈籠 同場加映元朗大橋街市五彩燈籠街+灣仔利東街紅噹噹燈籠海
光屋係乜東東?深井村歷史文化半日遊 農村變工業邨再變住宅地 探索舊式工廠+廢校牌坊
九十後部落觀塘新分店開業 懶人週末悠閒上樓歎All Day Breakfast
夏日去邊個沙灘?粉藍情人橋重開打卡地再現 石澳盡頭闖大頭洲回望小漁村尋靚景
連影193燈塔+日系碼頭唯美暮色!西貢海鮮街徒步三星灣路線 泳灘碧綠玻璃水清澈見底
大角嘴街角星馬菜餐廳 大大塊厚切豬扒上枱就聞到香味 最出色唔係菜式係乜?

撰文﹕Miss A ;攝影﹕Mr E, Miss A;設計﹕Mr E

View all posts by 撰文﹕Miss A ;攝影﹕Mr E, Miss A;設計﹕Mr E →