葵涌日本料理店街坊居酒屋 城門水塘燒烤場【野餐隨行】
【#水塘野餐】葵涌一帶屋邨、工廈林立，似樣嘅食店貌似極少，但其實都有好幾間值得拍拖兩個人前往，當中有一間日本料理小店於葵芳有姊妹店，係一間街坊價嘅居酒屋，更有Omakase可擇，丼飯套餐亦屬合理價錢。今次編輯就帶到城門水塘野餐，於燒烤場食Lunch，正對水塘景，環境夠晒Chill！
分類: 野餐隨行
【#安心野餐】最近，本地人搵食愈來愈艱難，單單堂食定外賣都要作出選擇，將食物外賣又要擔心拍拖去邊度食好，倒不如兩個人試吓去野餐，一於跟假日休息嘅「姐姐」隨時隨地隨意去吓野餐啦！雖然「姐姐」通常會選擇天橋底、天橋內，又或者隧道內等地方，但事實上我哋要野餐亦可以有更多選擇嘅，大家可以揀選有草地、有風景嘅野餐地方，唔少野餐地更可享海景。同時，無需擔心野餐點離食肆距離遠，令食物、飲品冷卻，皆因唔少都係靠近鬧市同食肆，絕對可以安心隨時野餐！編輯搜羅咗唔少本地野餐地點，會持續為大家推介本地野餐好地方，更會將行山路線同野餐點融合，將會包含九龍區、新界區、港島區，甚至大嶼山及離島區，可以行到邊食到邊，享受伴隨郊遊嘅野餐。
大帽山扶輪營地燒烤場【野餐隨行】 歎荃灣和順記超巨型人氣炸髀
【#土炮炸髀】荃灣有一間以超巨型生炸雞髀作招徠嘅人氣店，唔少人都大讚高水準，今次編輯就去試吓到底係咩情況。雖然呢間和順記有5間分店，但其實係特許經營店，只有荃灣店、天后店係由前記者開設，拍拖兩個人去記得睇清楚啦。單睇餐牌，炸雞髀價錢極高，比坊間貴一截，以為真係好高水準，但有啲名過於實嘅感覺，點解外賣貴堂食咁多？
【野餐隨行】將軍澳寶康公園草地野餐 泰式海南雞x正宗四川成都冒菜
【#草地野餐】秋天來臨，又係拍拖兩個人野餐季節，但野餐對於編輯嚟講已經唔係咩新鮮事，皆因大家Enjoy堂食嘅時候，我哋野餐、外賣自取已經食咗大半年，堅持又無人Support，同單打獨鬥無太大分別，到底堅持有乜用？
【野餐隨行】太子外賣頹點心變層架下午茶 人氣景點迪欣湖草地湖邊野餐
【#點心下午茶】毗鄰迪士尼嘅迪欣湖係香港著名景點之一，平時受到本地人歡迎，假日亦有唔少「姐姐」專程前程野餐，同時係一個拍拖兩個人嘅好去處，既能遊湖，亦能野餐，更可以影吓相、散吓步。今次編輯亦跟「姐姐」到迪欣湖野餐，將人氣點心店嘅頹爆外賣點心變成「靚仔」嘅層架下午茶。
灣仔碼頭海濱野餐隨行 拉麵價越南Pho堅似豚骨湯？人氣卷蛋店原為懷舊愛皮西大飯店？
【#海旁野餐】灣仔係商業區之一，平常有大量打工仔，多數買Lunch都會買返公司食，而假期到灣仔食飯就可以輕輕鬆鬆到碼頭海濱野餐。灣仔食店有唔少，想買熱門咖哩飯，外賣都要等足1.5小時，倒不如食其他？其實重有唔少值得拍拖兩個人買Lunch嘅地方，今次試吓一間越南菜餐廳，菜式貌似Fusion菜，湯底如同食拉麵。另外，灣仔有一間人氣卷蛋店，由懷舊港式餅店轉化而成，既有傳統餅食，亦有高質素新店卷蛋，野餐值得一試。
【野餐隨行】灣仔13號滑蛋三文治外賣店最啱打工仔 塔門全海景歎意大利包
【#灣仔外賣店】灣仔位置近中區地帶，餐廳食物一般都係比較昂貴，外賣小店就相對性價比高，當中有一間位於灣仔市中心嘅外賣店，以三文治為主打，包含多款滑蛋三文治，還有牛角包、意大利包，甚至飯盒，適合拍拖兩個人外賣自取。由於編輯打算將食物托至塔門呢啲離島，故未有選擇滑蛋內餡嘅三文治，以免三文治變形或變得濕潤。
【野餐隨行】九龍城迷你BTS模式小食站 宋皇臺小公園歎泰式冬蔭功
【#泰式美食點】九龍城係一個眾所週知嘅美食點，最出名嘅就係泰國菜，尤如「小泰國」，與小曼谷海鮮燒烤屋為姊妹店嘅BTS小食站，雖然話就話「小食站」，但同前者餐牌上所賣嘅菜式一模一樣，拍拖兩個人食一間等如食兩間。而「小食站」最大特色就係將餐牌以BTS模式設計，每一款泰國菜式都擺放於一個泰國地鐵站站點，不過香港人只能帶到地鐵站上蓋公園野餐。
【野餐隨行】梅窩隱藏版巨型Pizza！超薄軟底正宗意式風味 無人小沙灘散發啖啖芝士香
【#正宗Pizza】想拍拖兩個人喺香港食到正宗嘅意大利Pizza？本地有好多以Pizza為主打嘅食肆，但有幾多間係正宗呢？事實上，大家要知道何謂正宗地道嘅意式風味Pizza，單單睇餅底都睇得出，餅底要薄而軟身，可以輕易捲起嚟食，呢一點已經唔係每一間Pizza店都做到。今次編輯前往梅窩，話你知當中有一間小店有大量外國客人，Pizza係正宗意式風情，餡料十足，香口而惹味，值得推介。重點係講明要細批，竟然係坊間嘅大批Size？
【野餐隨行】上環巷弄現山西正宗熱拌冷拌刀削麵館 古老兵頭花園英皇銅像下開餐
【#上環秘店】要喺香港找尋正宗嘅山西刀削麵未必困難，但要挑選良心嘅山西刀削麵就唔容易，今次編輯推介一間隱藏於上環小巷內嘅刀削麵館，麵條條條削得出色，冷熱皆宜，帶到香港一個最古老嘅公園野餐，而呢個公園以往又叫做兵頭花園，你又記唔記得呢？
元朗小食店登米芝蓮必比登推介2022！台式刈包大玩Crossover 倆口小吃成名後瞬間變人龍店
【#人龍外賣店】身處香港，要從素人受到歡迎並唔容易，往往要先有人氣先會獲得大量支持者，因為大多數人都唔係重視質素╴只睇表面。以食店為例，想受到歡迎，就需要先有頭銜，元朗有一間小店於今年初入選《香港澳門米芝蓮指南 2022》必比登推介，瞬間成為人龍店，唔少人都會拍拖兩個人前往試食。呢間一夜成名嘅小店以台式刈包大玩Crossover，包裹唔同餡料，刈包塞滿餡料後脹卜卜，賣相吸引之餘，口味亦有新鮮感。