【#海旁野餐】灣仔係商業區之一，平常有大量打工仔，多數買Lunch都會買返公司食，而假期到灣仔食飯就可以輕輕鬆鬆到碼頭海濱野餐。灣仔食店有唔少，想買熱門咖哩飯，外賣都要等足1.5小時，倒不如食其他？其實重有唔少值得拍拖兩個人買Lunch嘅地方，今次試吓一間越南菜餐廳，菜式貌似Fusion菜，湯底如同食拉麵。另外，灣仔有一間人氣卷蛋店，由懷舊港式餅店轉化而成，既有傳統餅食，亦有高質素新店卷蛋，野餐值得一試。
【#滿瀉的肉燥】程班長台灣美食於荔枝角工廈聞名，早幾個月宣佈徹走，唔少愛好台灣美食嘅香港人都表示捨不得，想拍拖兩個人食地道台灣美食可以去邊呢？事有湊巧，幾個月前就有另一間小店於荔枝角插旗，同樣炮製台灣菜，不過就以肉蛋吐司、芋圓、滷肉飯為主，感覺上係直接替代程班長，或者可以擔當同區工廈嘅台灣菜代表。
【#灣仔外賣店】灣仔位置近中區地帶，餐廳食物一般都係比較昂貴，外賣小店就相對性價比高，當中有一間位於灣仔市中心嘅外賣店，以三文治為主打，包含多款滑蛋三文治，還有牛角包、意大利包，甚至飯盒，適合拍拖兩個人外賣自取。由於編輯打算將食物托至塔門呢啲離島，故未有選擇滑蛋內餡嘅三文治，以免三文治變形或變得濕潤。
【#天水圍小店】於天水圍玩足一日之後，拍拖兩個人野餐食埋飯，又係時候搵間糖水舖食個甜品，當中毗鄰巴士總站、躲藏街市背後嘅一間糖水舖，就位於屋苑附近，可以去Sweet Sweet吓呢！位於屏欣苑鮮匯站內嘅「西米Go」，有中西式甜品，但以西式甜品為主，亦有少量中式糖水，招牌之作比如係紫薯珍珠芋圓西米露、檸檬珍珠芋圓愛玉、台式珍珠芋圓燒仙草、椰汁紅豆珍珠芋圓豆腐花、芒果椰果水晶條、芒果蘆薈小丸子、芒果滿載豆腐花、芒果滿載河粉撈。另外，店內亦有一款DIY糖水$32，可以自選糖水配搭，亦有雞蛋仔、格仔餅、窩夫、雪糕、茶飲等選擇，始終係以台式甜品及茶飲為主，驟眼睇嚟，西米似乎並非重點之作。
【#醬汁用心】上水有一間只有二、三百呎嘅蚊型小食店，開業至今有6至7年，現時店舖招牌雖然有幾分花俏，但實際上內籠望落非常殘舊，罨罨耷耷，行過未必會想食，小食以港式、台式為主，但原來係有驚喜嘅，醬汁先至係精華所在，難怪受到區內街坊同學生哥歡迎。
【#冷熱班戟】港島平價小食區嚟講，除咗西灣河太安樓，就係筲箕灣東大街，云云街頭美食匯集於小區內，當中東大街旁邊就有一間人氣甜品小店，即使店內有唔同款式甜品、小食，單靠一款已經俘虜唔少拍拖情侶甜品迷，小店將一款暖笠笠法式甜品配搭冰涼雪糕，再以班戟皮包裹，即管實試冰火交融嘅感覺，可以為夏天消消暑，不妨兩個人去探索吓。
【#港式小食】小西灣離柴灣有一小段距離，恍如自成一角，但區內食店唔多，就只有寥寥幾間，除咗西式嘅日常小館之外，重有一間家庭式嘅港式小食店，可以拍拖兩個人到海旁角落自製一個港式下午茶，當中雞蛋仔、格仔餅水準不俗。
【#芋圓糖水】台式芋圓口感煙韌，向來受唔少人歡迎，尤以女士為甚，往往甜品、糖水、茶飲加入芋圓後，似乎都能夠吸引客人，芋圓糖水有好多間都係值得拍拖兩個人去支持，你又鍾意邊間呢？
【#長洲真野餐】長洲小島內美食眾多，除咗長洲夜市、人氣茶飲店長洲角酪，島內良心食店其實亦有近20間，恍惚變成黃洲，係各個離島中最多選擇嘅一個，菜式任揀，無論西式定中港台日韓風格應有盡有，拍拖兩個人心多想試多幾款？編輯提議大家跟隨以下野餐方式，到店外地方野餐，自然可以享受更多美食，絕對係一次過滿足幾個願望！
【#中隱隱於市】好多人拍拖兩個人出街搵食，通常都會睇裝潢或睇人氣，而店舖方面亦會保持簇新裝修，筲箕灣就有一間藍色小店，開業多年，目前外形極為陳舊，連射燈都無，令店面更顯灰暗，若然唔係刻意尋找，的確唔會發現呢間隱藏版炸雞店，方才知道原來係漆黑中嘅螢火蟲。店內套餐由主食到小食，以至西湯都巧花心思，主打嘅炸雞、Pizza明明甚有水準，甚至比連鎖店高得多，偏偏好多人寧願去連鎖店都唔選擇其他小店，難怪10間分店淨返1間啦！
