分類: 新界

【#日本超市】好消息！最近有網民發現大埔墟開咗間過江龍「業務スーパー」日本業務超市，裝潢、招牌、貨品都同當地非常相似，適合拍拖兩個人行逛。唔少網民都擔心超市真偽，紛紛去信官方網站查明真相，最終官方亦回應屬日本授權俾香港合伙人代理開設，為特許專營方式，網站亦顯示大埔「業務スーパー」為香港海外分店，不過合伙人係咩人、背後係咪財團、屬於黃定藍就有待查證。

【#迷你長城】被稱為「五岳」之一嘅華山，海拔高約千幾二千米，地勢險要，步行上山甚艱難，萬里長城則同純一六國嘅秦始皇有關，連接燕、趙、秦嘅舊城牆，連綿萬里，歷史悠久嘅萬里長城目前位於大灣區，而香港「上水華山軍路」可算係「港版萬里長城」，結合華山同萬里長城。沿途山過山、嶺過嶺，蜿蜒山路迂迴曲折，「上水華山軍路」乍看來狀似迷你版萬里長城，兩個人去吓本地遊好過去大灣區啦！

【#水塘秘路】荃灣嘅城門水塘係唔少人都行過嘅地方，路線清晰而簡單，拍拖閒遊向來都係合適路線，部份人甚至會連住菠蘿壩、金山而走，甚至接住行俗稱針草帽嘅針山、草山、大帽山，但記者今次想行嘅係經城門水塘，從荃灣至葵涌直接行到沙田大圍方向，你以為好難？事實上，由葵涌行到大圍，幾乎全程石屎路，兩個人要由新界西行到新界東，其實不難！

【#山上靜土】由東涌去昂坪，遊客必揀昂坪360纜車，但本地人梗係唔搭藍綠色為主調嘅纜車啦，東涌雖然同時有大嶼山巴士路線可直達昂坪，但週末由等車到搭車，時間分分鐘虛耗2至2.5小時，拍拖兩個人去就浪費4至5小時。既然如此，倒不如步行過去，2至2.5小時已經可以步行至昂坪廣場。

【#紫色浪漫】沙田公園位置靠近城門河畔，同時靠近沙田大會堂、新城市廣場，交通便捷，向來係一個市區拍拖散步嘅好地方，踏入4月，兩個人更可以於公園內觀賞剛剛綻開嘅藍花楹。公園內種有約20棵藍花楹樹，數量上分分鐘係全港之冠，令沙田公園每年都係觀賞藍花楹嘅好地方，現時藍花楹剛剛綻放，但稍為矮小嘅藍花楹則未開花，樹下更有大片草地，最適宜一邊野餐，一邊賞花啦！

【#全新路線】逆線而走，從別人終點作起點，可以行勻各景點之餘，亦可免於遇上絡繹不絕嘅人群，咁先係享受行山之樂。

兩個人想行山又怕攰？今次帶大家行吓大帽山山腳嘅引水道，10分鐘腳程上山，20分鐘 …

【#賞花地圖】粉嶺村落眾多，今年頭有一條村落被政府半百人員突襲收地，該村落靠近梧桐河，算係粉嶺區內嘅寧靜小農村，村落入口裝飾感覺似充滿童話風嘅小徑，唔少人都會踩單車經過，更特別係村內可以安靜地觀賞木棉花，適合拍拖兩個人閒遊。

【#遊走古道】由西貢行入馬鞍山，只需1小時即可穿過北港古道、茅坪古道，雖有部份上落斜路段，但沿途樹蔭連綿，毋須暴曬，屬一道休閒路線，即使兩個人夏天拍拖上山亦算適合。